Mint Supper Club (已結業)

平時放工都幾鍾意過蘭桂坊同朋友Happy Hour下，星期五同男朋友黎左呢間新開無耐既Bar食飯同飲下野🍸～Mint Supper Club係一間泰式餐廳加酒吧，環境以粉紅色同藍色做主調💗，加埋會不停轉色既燈光真係好吸引。我地仲揀左個靚靚露台梳化位，Chill上加Chill🤪！-Pomelo Salad with Soft Shell Crab $128沙律入面有柚子、火龍果同菠蘿🍍，清新爽口，仲有少少辣，幾惹味，配埋甜酸醬軟殼蟹食幾開胃🦀。-Lettuce Chicken Wrap $98本身以為得生菜🥬，估唔到仲有米通。雞肉餡好辣，但又好Juicy😋，配米通食脆卜卜勁惹味。如果想清新啲可以配生菜食，一齊食仲無咁辣添。-BBQ Chicken Platter $158拼盤有兩款串燒，分別係炸雞軟骨同雞肉軟骨串。雞肉軟骨串好好食，沙嗲醬既花生味勁濃烈🥜，仲咬到好多軟骨～有口感之餘配酒食一流🤩。-Ching Mai Spicy Beef Fried Rice $98超級推薦‼️流心蛋放中間令到更多炒飯沾到蛋汁，蛋黃味好重，好正😋。炒飯落左好多泰式香料，好重香葉味，加埋炒牛肉粒真係好鬼正💯。