名館 (已結業)

平時去開中環食西餐，今次想食下中菜。見依間地點方便，就去試下喇!我地6:30到入座，諗住早d 食就唔駛同人迫。入到去覺得餐廳環境超靚，坐得都好舒服。陳醋珊瑚紅海蜇頭味道唔會太酸，好開胃，作為前菜係唔錯。芥末咸水角屋企人點左咸水角，本身我對於咸水角就麻麻地，但食落去就發現完全係同平時的好唔同。佢表皮炸得幾脆但唔會好油，加埋芥末味的餡料，開胃又唔滯，推介！黃金泡飯個湯底同飯焦好夾，唔錯！炒豚肉松茸炒豚肉都幾香口，配上西芹，口感極佳。蒸勝瓜勝瓜配上銀魚仔一齊蒸，清清地感覺唔錯！冰皮草莓桃包甜品就揀左依個黎試，一開始睇佢樣似細個食嗰啲壽包。點知佢入面係忌廉同草莓，外皮好似糯米糍皮，凍凍地又唔會好甜，口感一流！