日牛涮涮鍋專門店 (已結業)

今日突然想食火鍋，咁岩係旺角，本身打算係創興廣場揾食，點知好多間都因為疫情冇開，之後openrice見到原來朗豪坊有一間日牛，就黎左食。間餐廳係朗豪坊頂層，裝修得好靚，幾有格調，仲有個天窗，期間仲有幾隻麻雀飛過。我地食128個個餐，精選牛放題，一個壽喜燒湯底，一個麻辣湯底。個牛就比較失望，好爛咬，好韌。之後加叫左幾碟，質素都一樣，所以可能今次唔好彩。湯底：壽喜燒一如以往，都係無得輸，都係最正既日式湯底。今次仲試左佢新出既麻辣湯，真係辣，唔食得辣既朋友唔好試。佢仲有d麻味，不過同四川個種麻辣鍋口感唔同，冇個種香。但如果想食辣既朋友可以一試。配菜就自己出去拎，都唔算多選擇，不過都算樣樣有d咁，基本菜，丸，粟米，蕃茄，面，豆腐都有。飲品都係得一部汽水機禁，有可樂，七喜，美連達，提子汁，紅茶簡。