影片
更多
2022-09-22
774 瀏覽
媽媽前排叫住話想去high tea，趁放假就帶佢同家姐同姨甥女嚟個girls' date👯♀️ 揀左一輪決定去嘉里酒店，地店方便，睇相地方都夠闊落。平日二人set $638，三人就按比例計算，匯豐信用卡有八折。下午茶set有5款鹹點、4款甜點、2款鬆餅，可以一次過試好多款茶點。飲品方面可以選擇茶、咖啡、牛奶，款式有十幾款、之後仲可以無限添飲，我地揀左茉莉花茶同洋甘菊茶🫖職員上下午茶時講解左款式同品嚐次序，我地都有乖乖地跟住🤣尼哥斯(左上)香煎金槍魚伴以藏紅花蛋黃醬，可能因為材料都唔係我喜歡或者常食嘅食材，所以呢個唔係太對我口味😶香炸薯球(左中)薯球有少少辣辣地，有芝士味同口感，不過不失🥔松葉蟹菊花啫喱(左下)本身對呢個充滿期待，因為擺盤最用心係佢，但松葉蟹菊花啫喱味道真係好清淡，菊花味好微好淡。下面嘅沙律如果可以再多少少熱情果醬應該我會感受到多啲熱情🤣伊比利亞火腿及無花果多士(右上)呢個係鹹點我最鍾意的，火腿嘅鹹同無花果嘅甜平衡左，食落有鹹香，仲有陣甜味😋鵝肝醬法式麵包(右下)呢個記憶點唔太深，鵝肝醬味道唔濃烈。我覺得甜點表現出色過鹹點，好彩係食左鹹點先😂車厘子開心果歌劇蛋糕(左上)短
平日二人set $638，三人就按比例計算，匯豐信用卡有八折。下午茶set有5款鹹點、4款甜點、2款鬆餅，可以一次過試好多款茶點。
飲品方面可以選擇茶、咖啡、牛奶，款式有十幾款、之後仲可以無限添飲，我地揀左茉莉花茶同洋甘菊茶🫖
職員上下午茶時講解左款式同品嚐次序，我地都有乖乖地跟住🤣
尼哥斯(左上)
香煎金槍魚伴以藏紅花蛋黃醬，可能因為材料都唔係我喜歡或者常食嘅食材，所以呢個唔係太對我口味😶
香炸薯球(左中)
薯球有少少辣辣地，有芝士味同口感，不過不失🥔
松葉蟹菊花啫喱(左下)
本身對呢個充滿期待，因為擺盤最用心係佢，但松葉蟹菊花啫喱味道真係好清淡，菊花味好微好淡。下面嘅沙律如果可以再多少少熱情果醬應該我會感受到多啲熱情🤣
伊比利亞火腿及無花果多士(右上)
呢個係鹹點我最鍾意的，火腿嘅鹹同無花果嘅甜平衡左，食落有鹹香，仲有陣甜味😋
鵝肝醬法式麵包(右下)
呢個記憶點唔太深，鵝肝醬味道唔濃烈。
我覺得甜點表現出色過鹹點，好彩係食左鹹點先😂
車厘子開心果歌劇蛋糕(左上)
短期內食第二次開心果蛋糕好難無比較，呢度嘅開心果醬明顯偏甜，成件蛋糕都層次較少，都好食，但之前喺荔枝角食嘅真係出色啲
雲呢拿橄欖油蛋糕(右上)
蛋糕外面係白朱古力外殼，好甜，家姐食到覺得唔okay，但我太食得甜了，又覺得還可以。
牛奶朱古力檸檬蛋糕(左下)
朱古力外層味道好出，令我已經唔太記得有無食到檸檬味😆
蜜桃泡芙(右下)
睇返menu先知佢除左cream都仲有糖漬蜜桃同紅莓啫喱，當時啪入口又真係無食到咁多野🤔
菊花杏脯鬆餅&原味鬆餅(附clotted cream&果醬)鬆餅做得唔錯，入面夠濕潤，唔會太乾，菊花杏脯鬆餅嘅菊花味比之前啫喱出太多，今次真係有清香感🌼
坐得舒服，平日下午唔算多人，bb間中叫一兩聲都唔會太嘈親人。呢set試過一次就可以了，下次可以試其他，但佢地今次同Paul&Joe合作，每人可以攞返個gift set，可以去換枝貨裝size唇膏同有啲化妝品試用，咁計落又好似幾抵嘅，但食物方面，我都係想試下其他tea set多啲🍰
張貼
