鼎·會館 (已結業)

Weekday lunch time 來食，三日前book 位好彩都仲book 到，來到發現原來都幾full House 下。 店內裝修吾錯，座位都算闊落，加上窗外的自然光，令成個環境光猛利落，俾人舒適的感覺。食物方面，可以散叫或叫set lunch . 我地就散叫左幾碟小菜加個炒飯。 有秘製火焰叉燒，古法扣肉，蝦多士， 少豆角 & 鮑魚炒飯(吾記得餐牌上個名叫咩）。印象最深刻的就係佢既秘製火焰叉燒，古法扣肉同個鮑魚飯。個叉燒有個侍應係你面前即時燒（當然係燒返熱，而吾係由生燒到熟果隻啦），所以食果陣舊叉燒係熱辣辣的，每一舊叉燒都係半肥瘦，入口好sticky & chewy，真係大飽口福之餘亦大飽眼福。另一個鮑魚飯，整到有少少似煲仔飯，用煲仔裝住，有少少飯焦，同埋有d脆脆地好似係炸過過白飯魚，食既時候覺得好香口。最估吾到既就係每人碗飯都有隻原隻鮑魚 至於個古法扣肉，本人從來都好怕食好肥又騷味的肥肉，而呢到既扣肉就半肥瘦，而且無騷味，有種入口即溶既感覺，而佢既配菜有芋頭，d 芋頭都煮得好‘淋’，又入味係絕對值得推介的一道菜