茶園

營業中

休息中

🦞即叫即煮龍蝦呢個即叫即煮嘅龍蝦呢就唔係任食嘅，而係每人一隻，大家可以按照自己嘅口味喺香草、芝士同埋蒜蓉牛油三隻味揀。三隻味小編都有試過，真係各有各特色，各有各好味。龍蝦嘅肉質亦都非常彈牙新鮮，可惜只係得一隻，如果唔係小編，一定食勁多😆🦪凍海鮮茶園自助餐，有生蠔、翡翠螺、蝦同長腳蟹。當日嘅海鮮係新鮮嘅，但係就唔夠肥美，有啲可惜。🥩威靈頓牛柳好食嘅威靈頓牛柳真係可遇不可求，今日就俾小編遇到啦！牛柳焗到啱啱好唔會太靭，而且肉質香嫩。小編最欣賞就係佢安排咗專人去切威靈頓牛柳，咁樣就唔使驚上一首適合切得好核突，影響大家嘅食慾。🍦雪糕茶園嘅雪糕都非常之出名，特別係佢嘅芒果糯米飯味同埋鹹蛋黃肉鬆味。呢兩隻小編當然有試啦，小編仲食到停唔到口添！小編覺得椰子味都好香，大家都可以試吓！餐廳環境坐得好闊落，而且仲有live Band，氣氛好好！茶園自助餐包左一杯餐飲，小編推薦大家揀茶嘅項目，因為佢可以幫你refill熱水，變相即係話不停有熱茶飲。