王子冰室 (已結業)

因為未夠鐘上堂，個囡又瞓咗，所以求其搵間茶餐廳有位錯就入去叫過下午茶餐坐下，好彩有卡位又可以俾佢瞓吓....食咗個下午茶，炸雞髀配薯條。再要多杯熱咖啡。炸雞髀同薯條都炸得好乾身好脆！薯條條條炸都到脆卜卜...小朋友當然鍾意啦！不過我自己就嫌太硬太乾喇。不過不失啦！炸雞髀個雞皮炸得好脆好香口，但雞脾略嫌炸得太乾，邊位大部份都炸到好乾好硬。味道算唔差嘅。但就冇乜肉食囉！杯咖啡就真係麻麻啦，如果有即磨咖啡就更好。