影片
更多
2021-07-27
5142 瀏覽
美利酒店作為活化歷史建築，於重新改建後仍然保留好多歷史既建築風格；但如果大家去到美利酒店個陣，不妨都可以上到頂層嘗試呢間鬧市中環境一流既西餐廳 - Popinjays。由於Popinjays位於26樓天台樓層，要前往既話就只可以於25號轉乘特別升降機前往；表面上非常唔方便既前往但實際上你會被玻璃窗外既景色所吸引。由於Staycation關係，小編與老公既早餐之旅就被編配於Popinjays食，當小編見到Openrice關於呢間餐廳既食評都集中於下午茶及晚餐個陣，就當然希望俾埋早餐既資料俾大家考慮吧。價錢方面為$328+10%。環境方面，Popinjays利用藍色為主色，配合唔同主題既壁畫，再加上全落地玻璃設計，令餐廳既光線非常充足，冷氣既涼快中亦感受到太陽既暖意。早餐以半自助餐既方式處理，大家可以先選擇一款主菜，然後就隨便可以於自助餐區拎其他食物。自助餐區唔算太大，不過以早餐計都絕對會令你飽肚，下文再慢慢介紹。主菜方面小編就揀左自選配料既奄列，而老公就揀左鮑魚雞粥。奄列大約既材料包括蕃茄﹑芝士﹑洋蔥﹑椒粒及火腿，然後再配以薯餅。味道方面坦白講就一般既，奄列始終需要較熟所以唔算滑，但配料
由於Popinjays位於26樓天台樓層，要前往既話就只可以於25號轉乘特別升降機前往；表面上非常唔方便既前往但實際上你會被玻璃窗外既景色所吸引。
由於Staycation關係，小編與老公既早餐之旅就被編配於Popinjays食，當小編見到Openrice關於呢間餐廳既食評都集中於下午茶及晚餐個陣，就當然希望俾埋早餐既資料俾大家考慮吧。價錢方面為$328+10%。
環境方面，Popinjays利用藍色為主色，配合唔同主題既壁畫，再加上全落地玻璃設計，令餐廳既光線非常充足，冷氣既涼快中亦感受到太陽既暖意。
早餐以半自助餐既方式處理，大家可以先選擇一款主菜，然後就隨便可以於自助餐區拎其他食物。自助餐區唔算太大，不過以早餐計都絕對會令你飽肚，下文再慢慢介紹。
主菜方面小編就揀左自選配料既奄列，而老公就揀左鮑魚雞粥。
奄列大約既材料包括蕃茄﹑芝士﹑洋蔥﹑椒粒及火腿，然後再配以薯餅。味道方面坦白講就一般既，奄列始終需要較熟所以唔算滑，但配料都落得幾重手，所以食個陣都幾飽肚；至於薯餅，可能因為一早煎好而未有保溫，所以係凍既。
鮑魚雞粥方面，份量就唔算太多，但用料十足! 睇返都有3隻細鮑魚響入面，再粥內都有唔少既雞絲，再配合3款既額外配料而自由放置。鮑魚係用鮑魚汁浸住個種，所以食個陣會明顯食到鮑魚味而算彈口既，個人就建議可以混入粥內一齊食，令粥既味道得以提升；至於雞絲雖然煲左咁耐但都仲有雞味，唔錯。
好! 之後就到自助餐區進發，食物大約分為冷盤區﹑熱盤區及麵包區：
冷盤區有幾款沙律﹑生果﹑乳酪，而最特別既就係有2款煙三文魚 (原味及香草)，所以鍾意食三文魚既朋友會好滿足；冷盤區亦有4款既穀物早餐，配合全脂﹑脫脂及杏仁奶。
熱盤區最主要有法式多士﹑腸粉﹑蒸點心 (燒賣﹑牛肉﹑餃)﹑蒸包 (叉燒包﹑磨菇包)，仲有麥皮及雞粥。質素上都唔錯，豉油王腸粉都入哂味﹑蒸點心既燒賣同牛肉都唔算太肥。
至於麵包區就更加有大量既種類可以選擇，鍾意硬身既有即切既法包﹑鍾意有餡既可選擇朱古力或果肉既﹑而鍾意牛角包既亦有提供，雖然咁多既麵包都會令人飽肚，但小編都覺得值得試下佢地既麵包架!
綜觀黎講，如果係Staycation套裝包括在內既早餐，小編會覺得絕對抵食；但如果係正價既價錢食既話，就真係好睇你鍾唔鍾意鬧市中既天台景，以環境既因素去提升性價比既指數吧。
張貼
