Lanala (威靈頓街)

營業中

休息中

Cafe環境悠閑優雅，原來係首間賣輕盈低糖嘅希臘乳酪芝士蛋糕，好啱鐘意食甜品又怕肥嘅女生🥹。當日食咗全新推出嘅春夏櫻花系列蛋糕同特飲，全部都很不錯，相對健康之餘，味道清新而且一啲都唔膩。抹茶櫻花希臘乳酪芝士蛋糕⭐️⭐️⭐️⭐️用咗希臘乳酪做嘅芝士蛋糕，質感比平時嘅芝士蛋糕軟，乳酪味道突出，但唔係好甜。蛋糕口感層次分明；首層粉紅色啫喱同香滑櫻花Cream配搭特濃日本抹茶同希臘乳酪，中間仲有紅豆同麻糬，口感超豐富而且只係微甜。櫻花希臘乳酪特飲⭐️⭐️⭐️淡淡櫻花香結合希臘乳酪嘅濃郁柔滑口感，仲有些少士多啤梨乾，酸酸甜甜，令整體口感更加豐富。櫻花奶蓋茶⭐️⭐️融合茶香、櫻花香同奶香於一身，既有奶蓋嘅順滑綿密口感，又有櫻花茶嘅清新，好特別。柚子檸檬牛角包窩夫⭐️⭐️⭐️以牛角包為基底，搭配柚子同檸檬嘅酸甜風味，即叫即製，口感酥脆之餘帶有陣陣清新果香。