影片
更多
2020-08-26
98 瀏覽
餐廳同區差唔多位置有一間叫vinci bar，小心唔好去錯（笑）。先黎要左啲special cocktail Dancing grape（＄68）調酒冇咩提子味，似仙地，喉嚨少少熱，冰太多飲到尾有啲淡。Yuzu forrest (＄68) 正常味道Hakuna Matata （＄68）熱帶風情就係Fruit punch 味，比其他甜啲，酒味唔明顯，可能落全部都落左檸檬，搶走左原本嘅酒味同調味。孟婆湯（＄68）用碗上，扣哂題，聲稱係匯集酸甜苦澀四味。一入口最出嘅係酸味，似係酸梅湯嘅酸，然後慢慢有種甜味，之後就係喉嚨微暖嘅感覺。好難形容係咩味，真係似咁令人五味雜陳，算係味道較為特别嘅一款。到食物啦，餐牌少左好多想食嘅野，本身係ig推介嘅食物都少左好多，有啲失望。先要左嗰豬牛雞串燒（＄88），一共有八枝，每款兩枝，啲肉本身用左香茅黎醃肉，可能係為左僻啲肉臭，但香茅味太重，變相少少喧賓奪主。沙嗲花生味唔夠香，甜度夠。水牛芝士薄餅（＄108）最好食嘅一個，芝士味香濃，餅底夠脆。紙包香茅焗鱸魚（＄148）係ig見到想試嘅菜，味道可以，香料味可以再重啲，魚份量正常，但冇想像中咁驚艷。松露什菌意大利飯
先黎要左啲special cocktail
Dancing grape（＄68）調酒冇咩提子味，似仙地，喉嚨少少熱，冰太多飲到尾有啲淡。
Yuzu forrest (＄68) 正常味道
Hakuna Matata （＄68）熱帶風情就係Fruit punch 味，比其他甜啲，酒味唔明顯，可能落全部都落左檸檬，搶走左原本嘅酒味同調味。
孟婆湯（＄68）用碗上，扣哂題，聲稱係匯集酸甜苦澀四味。一入口最出嘅係酸味，似係酸梅湯嘅酸，然後慢慢有種甜味，之後就係喉嚨微暖嘅感覺。好難形容係咩味，真係似咁令人五味雜陳，算係味道較為特别嘅一款。
到食物啦，餐牌少左好多想食嘅野，本身係ig推介嘅食物都少左好多，有啲失望。先要左嗰豬牛雞串燒（＄88），一共有八枝，每款兩枝，啲肉本身用左香茅黎醃肉，可能係為左僻啲肉臭，但香茅味太重，變相少少喧賓奪主。沙嗲花生味唔夠香，甜度夠。
水牛芝士薄餅（＄108）最好食嘅一個，芝士味香濃，餅底夠脆。
紙包香茅焗鱸魚（＄148）係ig見到想試嘅菜，味道可以，香料味可以再重啲，魚份量正常，但冇想像中咁驚艷。
松露什菌意大利飯（＄108）份量唔多，唔會飽肚。米太腍，冇咩咬口，似湯飯多過意大利飯，唔係正宗煮法。菇味都出嘅，但感覺普通。
待應一味做野想好快手咁，但又唔係又快又得，幾次都見到佢差啲倒瀉野，望到都牙煙。加上枱面好細，上哂菜好快冇位，逼住快快手食完先放到下一碟，好趕急咁。其實可以做得好啲。室內明明禁煙，但隔離枱係度煲煙都冇人理，焗住吸埋煙味，好彩都差唔多走人。
張貼
