下江南

營業中

休息中

行完西九，去埋故宮參觀，轉下間已到黃昏呀！有啲肚餓喇，係時候去醫下個肚喇， 看見有間餐廳個名幾特別叫［下江南 ］，好似皇帝下江南微服出巡，咁 就做一日皇帝食好嘢啦。這間餐廳好現代化，沒有古色古香嘅感覺 ，有落地玻璃、光線很充足，以［下江南］為名的中式 茶館，好有創意。先叫一個套餐：酥油野雞瓜麵配兩個小食花雕醉雞和夫妻肺片。 酥油雞瓜麵啲雞好有雞味，麵好滑、幾爽身、唔錯 。花雕醉雞都好有醉雞味。夫妻肺片，亦都好煮得好入味，有少少辣。山西肉夾饃：這個夾餅係用酥皮做餅面，裏面夾咗好多新鮮嘅肉、加少少嘅菜、同埋醬汁， 食起嚟幾特別，好鮮啲肉味 ，唔會好油膩 ，感覺唔錯。盐水鴨和醉鮮鮑， 鴨煮嘅時間十足，醃得幾入味，唔錯，鴨肉亦好新鮮。鮑魚用酒來浸食起嚟都好，有鮑魚鮮味。豌豆黃呢個甜品，傳說係慈禧太后最鍾意食嘅甜品，唔係太甜，好有豆味， 太后真識食，果然幾好食，味道唔錯。