君蘭麵包廠

營業中

休息中

肥B同我一樣都係麵包控，早兩日經開銅鑼灣，見到以前喺火車站成日見到嘅君蘭麵包有間幾大幾靚嘅舖頭開咗喺世貿對面。我梗係唔執輸，買咗幾樣返去同肥仔分享吓啦。佢係現場烘焙，好似幾新鮮，而且都有啲特別嘅款式。真菠蘿包🍍係細細地嘅菠蘿包，入邊真係有塊菠蘿同埋有啲cream，呢個肥仔超級鍾意，因為佢鍾意酸酸地，第二日食返普通菠蘿包嘅時候，佢仲話唔係呢個唔係呢個😂芝士粟米牛角包🥐呢個就係細包仔嚟嘅，芝士燒過溝埋粟米喺牛角包上邊勁邪惡，但係好香好好味。仲有好多款唔同嘅口味。香芋麻糬牛角包🥐我本身都係芋泥星人嚟嘅，所以我覺得呢個好啱我口味，加上佢個麻糬好似係燒咗少少，口感幾特別，食晒成個都唔會覺得滯。港式樽裝奶茶呢個我冇飲，平哥飲既！茶底幾好，亦都幾夠滑。而且又唔係好甜。有茶餐廳嘅感覺。雙重芝士方包🍞我留咗第二朝早早餐，覺得佢都幾鬆軟。芝士都多，而且佢唔係芝士粒，係類似cream cheese嘅質地，一包$34有4塊，食一塊已經好夠。