影片
更多
2024-09-14
3803 瀏覽
📖 “珍姐” 嘅老闆應該係叫 “珍姐”. 食咗半碟牛, 有位白衫夥計 走埋嚟吹水, 我八卦問邊位係老闆, 呢位阿叔指住自己, 話佢就係老闆. 天啊! “珍姐” 原來係男人?!🥰 中環 “珍姐” 屬 “預約困難店”, 曾經要提前三個月訂位, 晚市玩兩轉, 分別係六點, 八點四十分.😱 老友 “陳登” 年初惡攪江湖飯局, 初訪 “珍姐”, 食咗一啖牛肉, 結果又被臨時召喚 “秘密任務”, 人在江湖, 身不由己. 🤗 神推鬼㧬, 今日再戰 “珍姐”. 講講玩法, 網上提前兩星期搶位, 按人頭 $500 綁定信用卡, 同時預訂鎮店菜式, 包括 騸牯牛肉, 手切灘羊肉, 海鮮拼盤, 招牌豬骨蜆煲, 等等.🏘️ “珍姐” 位於蘭桂坊橫街地舖, 鐵皮屋大排檔格局, 玩懷舊, 設十張八張枱, 包括卡位, 方枱, 圓枱. 夥計 穿上香港經典 茶餐廳 白色制服. 播著八九十年代金曲.🥢 六點準時開閘, 起動節奏急速, 夥計忙住介紹牛肉俾各枱顧客, 調味格, 湯底, 食材 蜂擁而上!🐚 招牌豬骨蜆煲, $298. 豬骨湯味道一般, 蜆量既多又鮮嫩, 但俾唔到味道落湯底, 反而讚下兩隻豬腳仔, 非常腍滑.🐂 騸
🥰 中環 “珍姐” 屬 “預約困難店”, 曾經要提前三個月訂位, 晚市玩兩轉, 分別係六點, 八點四十分.
😱 老友 “陳登” 年初惡攪江湖飯局, 初訪 “珍姐”, 食咗一啖牛肉, 結果又被臨時召喚 “秘密任務”, 人在江湖, 身不由己.
🤗 神推鬼㧬, 今日再戰 “珍姐”. 講講玩法, 網上提前兩星期搶位, 按人頭 $500 綁定信用卡, 同時預訂鎮店菜式, 包括 騸牯牛肉, 手切灘羊肉, 海鮮拼盤, 招牌豬骨蜆煲, 等等.
🏘️ “珍姐” 位於蘭桂坊橫街地舖, 鐵皮屋大排檔格局, 玩懷舊, 設十張八張枱, 包括卡位, 方枱, 圓枱. 夥計 穿上香港經典 茶餐廳 白色制服. 播著八九十年代金曲.
🥢 六點準時開閘, 起動節奏急速, 夥計忙住介紹牛肉俾各枱顧客, 調味格, 湯底, 食材 蜂擁而上!
🐚 招牌豬骨蜆煲, $298. 豬骨湯味道一般, 蜆量既多又鮮嫩, 但俾唔到味道落湯底, 反而讚下兩隻豬腳仔, 非常腍滑.
招牌豬骨蜆煲
336 瀏覽
1 讚好
0 留言
📖 翻查資料: “騸牯牛” 即係 一歲前被 閹割 嘅公黃牛, 閹割後激素減少而變得溫馴, 精力保存, 脂肪比肉長得多, 牛身肥美, 脂肪均勻地分佈喺身體不同部位, 呈雪花般細緻紋理, 大約三至四歲屠宰.
騸牯牛肉
160 瀏覽
0 讚好
0 留言
手切灘羊肉
190 瀏覽
0 讚好
0 留言
海鮮拼盤
478 瀏覽
0 讚好
0 留言
🐂 老蘭嫩牛四併, $358. 封門柳, 頸脊, 匙柄, 胸簽. 由瘦到肥, 封門柳最重牛味, 有嚼口, 胸簽相對多油脂, 入口滑溜.
老蘭嫩牛四併
585 瀏覽
0 讚好
0 留言
🤗 總結: 人手十分充足, 上菜收碟有效率, 不停加湯, 服務態度具本土特色, 哈哈. 論食物, 牛肉高質, 但未算震撼, 湯底實屬普通, 埋單唔平喎, 氣氛係賣點, 期待再訪.📖 後記: 今日有緣見到老闆, 就係走埋嚟吹水嘅 白衫夥計, 佢話 “珍姐” 呢個名係隨意改嘅, 睇返英文名 Big JJ 就覺得攪笑.
張貼
