影片
更多
2016-12-21
270 瀏覽
一大班人最啱就去打邊爐可以慢慢傾計又可以飲下啤酒咁樣，講下啲八婆野，幾舒服啊。今次打個邊路認真打得好有水準，好少可以食到咁有水準嘅嘢，你都可以講話係一分錢一分貨。做嘢甘辛苦，食得好小小唔過份嘅。叫咗兩個湯底呢度嘅湯底都係比較特別嘅，一個就係迷你嘅佛跳牆湯底，另一個佛跳牆。入面真係有鮑魚魚翅架，用料好珍貴。建議大家打邊爐之前先飲一飲佢個湯底 咁樣先可以原汁原味飲到拒d珍餚嘅精華。入口既鮮甜又養顏喎。另外就叫咗個冬陰公嘅湯底，呢個冬陰公湯底真經典啊。見佢上面已經有一齊紅油，火紅紅咁樣，以為佢好辣啦，但係又唔係喎，反而係佢嘅椰汁味同埋佢嘅酸味好出，正宗冬陰公湯，非常之正。入面仲有好多大蝦，好足料。豬同牛係我嘅心目中一向都係最佳嘅拍檔，打邊爐缺一不可。首先講吓牛先，呢一拼盤有三層，有牛嘅唔同部位，可以一次過試晒幾種唔同嘅肉質，特別推介就係佢嘅牛肉粒，煮嘅時間可能需要耐小小，但係食嘅時候肉質完全唔會un，一入口啖啖嘅牛味湧出來嚟，仲有脂肪香。豬呢個拼盤就真經典，除咗有唔同部位嘅豬肉之外，佢仲會有一啲好特別嘅部位。例如白色呢一個豬天梯，食落去好爽，呢個部位唔係普通係街市就可能買到嘅部位。一定係要經
叫咗兩個湯底呢度嘅湯底都係比較特別嘅，一個就係迷你嘅佛跳牆湯底，另一個佛跳牆。入面真係有鮑魚魚翅架，用料好珍貴。建議大家打邊爐之前先飲一飲佢個湯底 咁樣先可以原汁原味飲到拒d珍餚嘅精華。入口既鮮甜又養顏喎。
另外就叫咗個冬陰公嘅湯底，呢個冬陰公湯底真經典啊。見佢上面已經有一齊紅油，火紅紅咁樣，以為佢好辣啦，但係又唔係喎，反而係佢嘅椰汁味同埋佢嘅酸味好出，正宗冬陰公湯，非常之正。入面仲有好多大蝦，好足料。
豬同牛係我嘅心目中一向都係最佳嘅拍檔，打邊爐缺一不可。首先講吓牛先，呢一拼盤有三層，有牛嘅唔同部位，可以一次過試晒幾種唔同嘅肉質，特別推介就係佢嘅牛肉粒，煮嘅時間可能需要耐小小，但係食嘅時候肉質完全唔會un，一入口啖啖嘅牛味湧出來嚟，仲有脂肪香。
豬呢個拼盤就真經典，除咗有唔同部位嘅豬肉之外，佢仲會有一啲好特別嘅部位。例如白色呢一個豬天梯，食落去好爽，呢個部位唔係普通係街市就可能買到嘅部位。一定係要經食店訂先至可以食到嘅，所以絕對要試。
仲有佢會有豬心，平時呢個部位真係買少見少架，因為處理通常都比較麻煩，處理得唔好，隨時唔好食。呢到將拒切成薄片，略為烚一陣就食到，好爽。另外呢度都有啲手打嘅丸類，有墨魚丸 牛丸等等。食落去好彈牙，直頭個感覺可以去打番兩板。講笑，哈哈。
其實我覺得打邊爐有陣時真係需要一次過有兩個唔同味道嘅火鍋， 特別係一個辣，一個唔辣。一來可以就下大家唔同嘅口味，二來唔同嘅材料其實用唔同嘅湯底烚落去嘅味道都各有不同，各有千秋。一次過有兩種湯底，可以滿足唒。
張貼
