影片
更多
2021-12-23
71 瀏覽
最近難得天氣轉涼，今年香港嘅冬季終於有返啲冬日嘅氣氛。恰巧朋友一時興起想睇夜景，我地二話不說一收工就直上山頂吹吹風，睇睇景。風景睇完總要醫肚，可能真係太耐冇上過山頂，原來山頂廣場已經翻新咗，有好多唔同類型嘅食肆，因為對呢片環境太陌生，好似去咗旅行咁。喺山頂廣場入面有一間以足球作主題嘅餐廳，因為朋友對足球嘅熱愛程度經已入哂血，所以一於就試試佢。餐廳入口比較難搵，要經過一間賣禮品嘅小店先會見到。入到去，餐廳嘅霓虹燈非常搶 focus, 再加上門口有港隊門將葉鴻輝、曼聯時期C朗、英格蘭以及阿仙奴柏金嘅簽名波衫，作為足球迷一定大飽眼福，真係未出發先興奮。除咗門口嘅四件珍貴波衫，餐廳入面仲有一堆價值觀不菲嘅足球收藏品，真係睇到人嘩嘩聲。啤酒同足球嘅關係非常密切，睇波就一定要似啤酒。呢款Lindermans Pecheresse 嘅白桃啤酒甜得嚟氣泡感十足，幾似飲緊 Champagne, 口味非常適合女士。法國鵝肝秀珍菌意大利燴飯呢道意大利飯嘅軟硬度剛剛好，白汁濃得嚟唔會太鹹，而且估唔到係會有兩大塊鵝肝，真心好味抵食！法國鵝肝和牛漢堡漢堡嘅和牛漢堡排偏乾身咗少少，但因為夾埋鵝肝咁食，油分令塊漢堡嘅
最近難得天氣轉涼，今年香港嘅冬季終於有返啲冬日嘅氣氛。恰巧朋友一時興起想睇夜景，我地二話不說一收工就直上山頂吹吹風，睇睇景。
風景睇完總要醫肚，可能真係太耐冇上過山頂，原來山頂廣場已經翻新咗，有好多唔同類型嘅食肆，因為對呢片環境太陌生，好似去咗旅行咁。
喺山頂廣場入面有一間以足球作主題嘅餐廳，因為朋友對足球嘅熱愛程度經已入哂血，所以一於就試試佢。
餐廳入口比較難搵，要經過一間賣禮品嘅小店先會見到。
入到去，餐廳嘅霓虹燈非常搶 focus, 再加上門口有港隊門將葉鴻輝、曼聯時期C朗、英格蘭以及阿仙奴柏金嘅簽名波衫，作為足球迷一定大飽眼福，真係未出發先興奮。
除咗門口嘅四件珍貴波衫，餐廳入面仲有一堆價值觀不菲嘅足球收藏品，真係睇到人嘩嘩聲。
啤酒同足球嘅關係非常密切，睇波就一定要似啤酒。呢款Lindermans Pecheresse 嘅白桃啤酒甜得嚟氣泡感十足，幾似飲緊 Champagne, 口味非常適合女士。
法國鵝肝秀珍菌意大利燴飯
呢道意大利飯嘅軟硬度剛剛好，白汁濃得嚟唔會太鹹，而且估唔到係會有兩大塊鵝肝，真心好味抵食！
法國鵝肝和牛漢堡
漢堡嘅和牛漢堡排偏乾身咗少少，但因為夾埋鵝肝咁食，油分令塊漢堡嘅味道層次再提升。Sides仲配上沙律同炸薯角，完整度十足！
孜然沙嗲串燒
串燒真心冇得輸！豬，牛，羊三種肉類都齊哂，孜然粉再加上佢地兩款嘅秘製醬汁會令人食到唔停口。
後記：
餐廳好多嘅擺設同餐具都係足球造型，even 連佢地嘅Staff都係球迷，所有足球Topic 都對答如流，可見Locker Room非常有誠意。而當晚同行嘅朋友睇到餐廳電視播放緊1998年法國對巴西嘅世界杯決賽，原來就係佢當年人生第一場睇嘅世界杯賽事，所有童年嘅回憶一次過返哂嚟。自問唔係對足球太熟悉，都會感受到足球帶俾世人嘅氣氛同感染力。
張貼
