羅麥記 (V City) (已結業)

電影為主題茶餐廳，羅麥記餐廳其實有好多分店，最近就你都青衣城，佢用霓虹光管造成全院滿座呢一個引起香港人共鳴嘅燈牌，瞬間將我哋帶到70、80年代，既懷舊，又有吸睛作用！佢場上邊仲有好多明星嘅油畫，喺食飯嘅同時可以欣賞到一啲藝術嘅作品！去到茶餐廳就一定要食瑞士雞翼撈丁，雞翼我自細鍾意食，瑞士雞翼汁亦都係香港最熟識既味道，配合撈丁咁地道嘅食物，即刻回到過去，感受年輕時候與家人在茶餐廳吃飯的時光我！瑞士雞翼煮得非常之林，而且非常入味，瑞士雞汁甜甜地配合即食麵，亦都非常之出色，分量亦剛剛好，作為一個晚餐，對我而言，非常滿足。朋友們都對呢間餐廳嘅麵包磚感到有興趣，佢哋叫咗咖喱軟殼蟹麵包磚，但汁唔夠，問店員可否俾咗汁佢地點，成個麵包磚外脆內軟，飯唔會話太多，麵包亦都可以充飢，加上軟殼蟹炸得剛剛好，成為呢度嘅一大特色！豬扒亦唔錯，茄汁同麵包配合剛剛好！男仔朋友鍾意食豆腐斑腩飯，味道亦唔錯，而且好快可以上枱，啱晒趕時間嘅我哋！