影片
更多
2022-08-26
616 瀏覽
在繁忙嘅尖沙咀發掘到一間樓上西餐廳，旺中帶靜，餐廳裝修型格又帶優雅，有室內和室外Area ，室內裝修以藍白色為主調，座位主要以梳化卡位為主，非常舒服，室外位置更加精彩，好多打卡位，今日我哋夜晚嚟到，好多小燈泡一閃一閃，非常浪漫，呢度無論閨蜜黎傾偈，又或者一大班人嚟食飯，都非常適合👍🏻Menu選擇好多，特別係自家調制有酒精或者冇酒精嘅飲品，好有特色，最特別係冰塊用上原粒玫瑰花冰，賣相一流好靚靚，食物由頭盤，湯，主菜，意粉，意大利粉到甜品都一應俱全，一定可以揀到你嘅心頭好，特別一提餐廳非常慷慨，每道菜式份量都好大份，好抵食😋今日和好姊妹晚餐二人前👧🏻👧🏻▪️Organic Cesar Salad $ 218🥗有機凱撒沙律沙律份量超級大，我哋見到都好開心因為鍾意食菜，沙律菜超級新鮮，好爽脆，加咗少少意大利沙律醬汁，同埋帕爾馬芝士，好開胃又好味，好快就清晒👍🏻▪️Italian Roasted Baby Pig $ 428🐷意式風味乳豬配時令蔬菜燒乳豬有四大件，乳豬皮燒得超級脆卜卜，好香口，肉質爽口彈牙，調味非常好，連豬骨都好入味，不需要點任何醬汁，食到豬嘅原汁原味，另外仲有燒蔬菜，茄子，黃椒，紅
在繁忙嘅尖沙咀發掘到一間樓上西餐廳，旺中帶靜，餐廳裝修型格又帶優雅，有室內和室外Area ，室內裝修以藍白色為主調，座位主要以梳化卡位為主，非常舒服，室外位置更加精彩，好多打卡位，今日我哋夜晚嚟到，好多小燈泡一閃一閃，非常浪漫，呢度無論閨蜜黎傾偈，又或者一大班人嚟食飯，都非常適合👍🏻
Menu選擇好多，特別係自家調制有酒精或者冇酒精嘅飲品，好有特色，最特別係冰塊用上原粒玫瑰花冰，賣相一流好靚靚，食物由頭盤，湯，主菜，意粉，意大利粉到甜品都一應俱全，一定可以揀到你嘅心頭好，特別一提餐廳非常慷慨，每道菜式份量都好大份，好抵食😋
今日和好姊妹晚餐二人前👧🏻👧🏻
▪️Organic Cesar Salad $ 218
🥗有機凱撒沙律
沙律份量超級大，我哋見到都好開心因為鍾意食菜，沙律菜超級新鮮，好爽脆，加咗少少意大利沙律醬汁，同埋帕爾馬芝士，好開胃又好味，好快就清晒👍🏻
▪️Italian Roasted Baby Pig $ 428
🐷意式風味乳豬配時令蔬菜
燒乳豬有四大件，乳豬皮燒得超級脆卜卜，好香口，肉質爽口彈牙，調味非常好，連豬骨都好入味，不需要點任何醬汁，食到豬嘅原汁原味，另外仲有燒蔬菜，茄子，黃椒，紅椒，翠玉瓜，大大粒嘅車厘茄，配上黑醋汁，健康又好食
▪️Linguini Alle Vongole $ 288
🍝白酒煮蜆意大利扁麵
最喜愛呢個意粉，分量一樣係大大份，真係幸福滿瀉，蜆肉大大粒，扁意粉軟硬程度剛好，白酒汁加上蜆肉嘅鮮味好鮮甜，加咗少少辣椒乾，唔太辣好惹味，醬汁包圍着每一條意粉，好鮮味
▪️White Sangria $ 98
White Wine | Organic Syrup | Sprite | Lime Juice
Fresh Mix Fruits
紅酒做嘅Sangria 成日都飲，白酒做嘅就第一次，冰塊係用綠色嘅玫瑰花冰，好靚，大量新鮮切粒水果，整杯飲品好香青檸及鮮果味，酒味唔算太濃郁，非常清新易入口
，
▪️True Blue $ 68
Fresh Blueberries | Blueberry Syrup | Soda
Lemon Juice
呢杯係冇酒精嘅，佢哋每杯飲品嘅賣相都不容置疑，最喜歡就是紫紅色嘅玫瑰花冰，真心好靚，濃厚嘅藍莓汁味道，少少檸檬香，清甜又好飲
✨一定會再回訪嘅餐廳，環境一流，旺中帶靜，和朋友食個晚飯可以慢慢傾偈，唔會太急趕，感覺好舒服，食物質素高，重點係好大份，性價比超級高👍🏻👍🏻
張貼
