銀龍茶餐廳 (葵盛東商場)

營業中

休息中

今日下晝同同事去咗銀龍食晏，搬咗嚟哩個舖位之後，餐廳空間闊落咗，座位亦舒服咗，最重要係環境企理咗好多。我叫咗番茄濃湯蟹柳稻庭烏冬配炸豬扒，加杯凍奶茶。我幾乎每次嚟銀龍都係叫哩個餐，番茄湯底好清甜，中間帶有少少嘅番茄酸味，開胃可口。烏冬口感彈牙，質素穩定，特別鍾意佢哋嘅蟹柳，甜甜地，好好食。啲菇都好入味，正。不過豬扒就普普通通，無乜豬肉嘅香味，口感亦怪怪的，有啲似食橡膠咁。凍奶茶味道不錯，茶同奶嘅比例剛剛好，一飲心舒暢。