海雲天

營業中

休息中

星期四同左屋企人去海雲天飲茶。原本想試下佢個放題，但由於屋企人食量較少，所以改為普通散叫點心。環境一流，我哋六人分兩張枱，坐係窗邊位置。望住個海食野，感覺好舒服。叫咗佢個黑心流沙包，真係幾流心。至於個鮮果沙律鮮蝦筒，好食！無論鮮果、沙律同d蝦嘅份量都均衡。食咗幾樣點心、飯後，我哋叫咗三個甜品，斑斕千層糕、香芒卷、紅豆沙。紅豆沙一般，斑斕千層糕唔錯，唔係太甜。香芒卷味道不錯，芒果味道都好明顯。呢間可以再繼續去。