Amplifier Restaurant (積福街)

營業中

休息中

Item: Amplifier Restaurant (積福街)
Rating: 4
Author: Kami_1855

339 食評

味道

環境

服務

衛生

抵食

12898

大圍

$201-400

西式 All Day Breakfast 扒房咖啡店咪嘥嘢食店

270

資訊:
餐廳:	Amplifier Restaurant (積福街)

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

Kami_1855

等級1

今晚冬至第一次嚟呢間試，見評語唔錯就嚟試吓。嚟到後感覺環境唔錯，裝修靚氣氛唔錯。而食物嘅賣相都吸引嘅，但食到落口就有啲失望！今晚點了5個主菜、3個小食同兩份pizza。第一份上嘅菜就係白酒忌廉汁煮青口，青口嫩口多汁，而個汁其實都算唔錯，但略為咸咗啲！如果能夠輕手啲再加多少少糖調味就更加好！配埋個脆脆法式多士更加正！😋第二份上嘅係法式蘑菇田螺！呢個味道唔錯😋值得一試！然之後到意大利pizza!呢個pizza有驚喜！原本本人對pizza無咩好感，但呢個表面平平無奇嘅pizza嘅茄醬較得剛剛好～個皮夠薄又香又脆，材料只有意式香腸同啲車厘茄加芝士，但已經好好味😋可以再翻兜食過👍🏻但另一款西班牙pizza我就覺得麻麻地，可能因為本人唔食得辣所以對呢個pizza無咩好感😂🤣跟住就開始上主菜，卡邦尼扁意粉好食！汁好濃又夠多，黑松露意大利飯好香松露味，呢兩樣都值得一試👍🏻西冷牛扒夠嫩但個汁偏咸，若只配黑椒喜馬拉粉紅岩鹽係唔錯嘅！羊膝肉夠淋夠嫩，成隻羊膝整體整得唔錯，但啲配菜同汁同樣偏咸😅慢煮燒春雞配鵝肝呢一樣真係搞佢唔掂，唔知係咪廚師失準，咸到不得了😫煎鵝肝無問題好食嘅，而本身隻燒春雞嘅肉係好嫩唔鞋口

今晚冬至第一次嚟呢間試，見評語唔錯就嚟試吓。嚟到後感覺環境唔錯，裝修靚氣氛唔錯。而食物嘅賣相都吸引嘅，但食到落口就有啲失望！
今晚點了5個主菜、3個小食同兩份pizza。

第一份上嘅菜就係白酒忌廉汁煮青口，青口嫩口多汁，而個汁其實都算唔錯，但略為咸咗啲！如果能夠輕手啲再加多少少糖調味就更加好！配埋個脆脆法式多士更加正！😋

第二份上嘅係法式蘑菇田螺！呢個味道唔錯😋值得一試！

然之後到意大利pizza!呢個pizza有驚喜！原本本人對pizza無咩好感，但呢個表面平平無奇嘅pizza嘅茄醬較得剛剛好～個皮夠薄又香又脆，材料只有意式香腸同啲車厘茄加芝士，但已經好好味😋可以再翻兜食過👍🏻但另一款西班牙pizza我就覺得麻麻地，可能因為本人唔食得辣所以對呢個pizza無咩好感😂🤣

跟住就開始上主菜，卡邦尼扁意粉好食！汁好濃又夠多，黑松露意大利飯好香松露味，呢兩樣都值得一試👍🏻

西冷牛扒夠嫩但個汁偏咸，若只配黑椒喜馬拉粉紅岩鹽係唔錯嘅！

羊膝肉夠淋夠嫩，成隻羊膝整體整得唔錯，但啲配菜同汁同樣偏咸😅

慢煮燒春雞配鵝肝呢一樣真係搞佢唔掂，唔知係咪廚師失準，咸到不得了😫煎鵝肝無問題好食嘅，而本身隻燒春雞嘅肉係好嫩唔鞋口，但隻雞咸到不得了！仲配上佢嘅汁都係偏咸嘅，成碟菜都食唔落，要不斷飲水，只食咗兩口就叫侍應嚟收走，不過侍應嘅服務態度都好好👍🏻佢聽到我嘅回應後都即時話幫我取消或換第二樣嘢食！值得讚揚！🥰

雖然去到主菜時有啲失望，但佢都唔係無值得讚揚嘅地方！至少環境氣氛好、侍應服務態度好、部分食物都真係食得過嘅～🙂

如果有機會再嚟，希望食物方面會有所改變啦！😇