影片
更多
2009-03-23
9 瀏覽
2月5日, 89週月快樂! *8*今日係平日星期四, 放工就同呀比行咗去灣仔食泰國野~ 夜晚的駱克道滿目都是酒吧的霓虹燈, 然後突然的一個暗黑, 我們就到了thai delight的門口了~::: 泰式拼盤 (細) ::: $88以english tea的模式分了三層奉上, 賣相真的很別緻. 最底層有青木瓜沙律, 中層是炸蝦餅同炸魚餅, 最頂仲有香葉包雞, 咖哩角同春卷~ 仲有兩兜醬比你點! 我地兩個人雖然要了細portion但其實份量還是很多, server 3-4人都可以!! 木瓜沙律唔太辣, 不過未免酸到冇晒其他味… 炸蝦餅同香葉包雞都好味, 春卷咖哩角都熱辣辣~ 拼盤黎講都算多野食!::: 香脆麵包紅咖哩海鮮 ::: $88係一個大農夫包入面裝住d咖哩海鮮~! 咖哩好香蛋味, 好多咖哩汁, 不過海鮮就唔算多, 有蝦, 青口, 魷魚圈同魚塊等等. 麵包唔夠香脆, 不過索咗d咖哩食落軟淋淋都好好味~ 其實呢個咖哩麵包都真係幾好食! 不過可能又椰汁又蛋咁… 真係太漏啦!! 食唔晒!!::: 干炒牛河 ::: $62呢個牛河真係好一般. 除咗個芥蘭有d泰國風味之外, 咪又茶餐廳炒牛河d
今日係平日星期四, 放工就同呀比行咗去灣仔食泰國野~ 夜晚的駱克道滿目都是酒吧的霓虹燈, 然後突然的一個暗黑, 我們就到了thai delight的門口了~
::: 泰式拼盤 (細) ::: $88
以english tea的模式分了三層奉上, 賣相真的很別緻. 最底層有青木瓜沙律, 中層是炸蝦餅同炸魚餅, 最頂仲有香葉包雞, 咖哩角同春卷~ 仲有兩兜醬比你點! 我地兩個人雖然要了細portion但其實份量還是很多, server 3-4人都可以!! 木瓜沙律唔太辣, 不過未免酸到冇晒其他味… 炸蝦餅同香葉包雞都好味, 春卷咖哩角都熱辣辣~ 拼盤黎講都算多野食!
::: 香脆麵包紅咖哩海鮮 ::: $88
係一個大農夫包入面裝住d咖哩海鮮~! 咖哩好香蛋味, 好多咖哩汁, 不過海鮮就唔算多, 有蝦, 青口, 魷魚圈同魚塊等等. 麵包唔夠香脆, 不過索咗d咖哩食落軟淋淋都好好味~ 其實呢個咖哩麵包都真係幾好食! 不過可能又椰汁又蛋咁… 真係太漏啦!! 食唔晒!!
::: 干炒牛河 ::: $62
呢個牛河真係好一般. 除咗個芥蘭有d泰國風味之外, 咪又茶餐廳炒牛河d料! 河粉ok油, 好在牛肉夠鮮嫩有肉味… 先算食得過… 普通普通…
::: 炸香蕉雪糕 ::: $58
呢個真係… 賣相好特別,不過… 嘩! 點解個炸蕉可以咁難食?!!! 真係好難食wor!!! 枉佢仲推介!!!
炸蕉個炸粉勁厚, 仲係苦架囉! 成舊野又油膩… 我拆咗入面d蕉出黎食算啦真係…
好在有自選雪糕彌補呢個甜品, 我地叫咗香芋味同提子冧酒… 兩種味道都唔錯~ 提子冧酒好好味~!! 不過真係唔知炸香蕉同雪糕有d乜關係… 之後問過經理, 佢話因為d炸粉係同香蕉層衣一齊炸, 所以有d甘甘地嘅味道… 不過真係苦得滯, 我地完全懷疑佢地整法有問題wor…
總括黎講thai delight似係賣環境氣氛多d嘅泰國菜~ 暗暗地真係幾有情調, 仲有個電視播住d泰國MV! 食物質素average不過如此價錢又其實可以食得更好味wor~ 對我地黎講, 都係一餐浪漫的晚餐!
張貼
