BnR (已結業)

呢日同男友去咗荃灣廣場行街街，Lunch時間當然要去附近餐廳如雲嘅大壩街搵下有咩正野食啦！ 最近唔知係唔係因為食得熱氣野多，喉嚨唔係咁舒服，所以想食啲濕濕地嘅湯粉，咁啱見到呢間米線鋪嘅裝修幾唔錯，成間Cafe咁嘅佈局，同埋位置睇落都幾闊落，應該坐得舒服，所以就唔洗多諗入咗去會一會佢~ 🧡花膠雞淮山麵（$82）兩大片花膠軟熟柔滑，雞肉肉質嫩滑，淮山麵夠爽身，份量十足，滿意！ 🧡藥膳釀魷筒米線（$76）魷魚筒釀滿咗墨魚滑，足足4大件，入口爽彈夠哂鮮味！藥膳湯底入口舒服，配料十足，有木耳同栗米筍，同米線好夾，讚！ 🧡冷泡菊花蜜（跟餐+$8）菊花蜜甘甜解渴，夠哂滋潤，唔錯！