鮪世市場 (鴻威大廈) (已結業)

雖然放題可以盡情食到飽，但係想要食高質素嘅刺身同壽司，都係揀返專門店好啲。呢間餐廳座位不多，地方細細但勝在唔會好嘈，可以靜靜地嘆美食。先來一個鮪世刺身盛，有三文魚、深魚池魚、特大赤海蝦、油甘魚、鮪魚腩及帆立貝共六款新鮮刺身，件件都切得幾厚身，最好食當然係鮪魚腩，肉質鮮美甘甜口感柔軟，這個set還會附送茶碗蒸、麵豉湯及沙律。至於單點的壽司有平有貴，厚切火灸鵝肝一定要食，入口時油脂滿佈口腔，勁香濃滋味；自家燒玉子幾厚身亦整得好實唔鬆散。特選本鮪壽司盛有齊本鮪赤身、中本鮪魚腩、大本鮪魚腩，全部筋同脂肪比例啱啱好，好鮮味。其他馬刀貝、三文魚、劍魚腩、汁燒魚鰻等壽司都算大大件好足料。另外亦點了支豆及北海道海鹽炸甜蝦，甜蝦成身炸得好鬆脆，頭尾殼都食埋，送酒一流。