青花 (THE FOREST)

好想食呢間餐廳好耐架啦。咁啱約咗朋友係旺角，忽發奇想想去呢間泰式餐廳試吓佢啲菜式。🥗酸辣鳳爪沙律酸辣度適中，唔會特別酸特別辣。鳳爪無骨脆脆口，吸收晒啲沙律醬汁。🥙牛肉生菜包牛肉係一片片，唔係免治牛。好似香炒牛肉咁，放埋蒜粒，青椒入個生菜片，唔錯。🥘香辣蟹蒜炒麵可以選擇少油，少鹽，辣度粗麵唔會炒得過淋，軟硬度適中。一絲絲蟹肉嘅份量適中。我哋今次揀咗中辣，我接受到呢個辣度。有菜炒埋一齊，營養均勻。🍹三色冰奶蓋有別於平時飲嘅三色冰，椰奶好濃郁但又唔漏，飲到一粒粒爽口椰果，同埋三色糕。好打卡able，面頭有三種顏色嘅龍鬚糖。一絲絲嘅龍鬚糖好好味，唔太過甜。🥭芒果糯米飯芒果好清甜，糯米飯好黏黏，椰漿好濃郁，配有脆脆杏仁片+椰片，口感味道好豐富。