瓜破菓子店 (Life@KCC)

營業中

休息中

下午茶時間四點幾去試下呢間新嘢。呢間係一間有五個座位嘅小店，所以都要排一陣隊嘅。排隊期間店員預先落定order。所以坐底一陣已經陸續有嘢食嚟。五個座位一字排開望住個水吧，可以見到佢哋其中一啲工序，感覺好仔細用心（個德島和三盤係睇住佢整嘅）。由於過程好仔細，所以真係要預啲時間。先上嘅嘅係抹茶尽。職員上咗嘢食之後用心介紹各種食物嘅名稱同食法（裡面有蛋卷，菓子，豆餅，最中餅，朱古力等等）。值得一讚嘅係個蛋卷，中間個cream好輕好軟，食落一啲都唔膩。其他有抹茶cream嘅食物都偏甜。凍嘅焙茶拿鐵飲落唔濃，但口感比厚，感覺都算清新嘅。