京林屋 (已結業)

今日係elements 嘅grand cinema睇完戲就去左京林屋食甜品呢間京林屋係以做外賣形式為主 不過都有幾張台比人坐係到食我地幾個女仔見到個餐牌真係心大心細 花多眼亂 樣樣都好想食最後我各人揀左自己最想食嘅然後再share試下味我揀左林屋抹茶芭菲 用個杯裝住顏色層次分明 賣相好吸引有抹茶雪糕 抹茶嘟喱 白玉丸子 紅豆抹茶雪糕好軟滑 抹茶味好濃郁 嘟喱都好有味！綠茶控一定要食喱個芭菲朋友叫左牛乳紅豆白玉脆米雪糕 雪糕好重牛奶味 加埋脆米口感一流！另一個係黑蜜牛乳芭菲 因為焙茶嘟喱賣晒 不過朋友都好想食呢個芭菲 所以照叫左面頭有啲焦糖 同牛奶雪糕簡直係絕配焙茶沙冰相比雖然比較普通 不過都係幾濃焙茶味 好消暑抹茶紅豆年糕甜湯就特別啲 將啲年糕煎香 再放紅豆抹茶一齊煮 味道好豐富 睇完戲再食返個咁正嘅甜品吹下水簡直大滿足！