樂糖 (已結業)

約咗上朋友屋企探初生BB，探完之後就喺佢屋企樓下嘅一間甜品店食個靚Tea, 第一次嚟到將軍澳天晉，發現原來有好多間食肆，呢間叫樂糖的甜品店環境佈置好Sweet!因為天氣太熱，即是叫咗一杯生啤解下暑。夏日炎炎冇野好得過飲番杯冰涼透心嘅啤酒。除咗甜品之外，佢都有鹹點小食，我哋叫咗一份辣肉腸Pizza，佢係即叫即整，熱辣辣都幾好食。當然主角就係甜品啦！一份櫻花水信玄餅，一份綠茶心太軟！櫻花水信玄餅配雲呢拿雪糕，這個圓餅清清地，係啫喱與大菜糕嘅混合體！綠茶紅豆心太軟配綠茶雪糕，切開個心太軟，綠茶岩漿即刻擁出嚟，好味！