影片
更多
2017-03-18
4382 瀏覽
九龍塘係從前返學成日會經過既地方，不過食黎食去都係food court同m記，因為其他餐廳大部分都較貴，今次約朋友黎呢間食下午茶，因為以前睇完戲見佢甜品餐牌好靚，但有幾次都太夜收左檔，今次終於比我地食到原來除左甜品仲有咸食架！午餐餐牌有三張，想食意粉既有唔少選擇，大部份都較清淡，岩好多入黎食既女仔不過我同朋友都想試d特別啲，見佢另一個餐牌有all day breakfast，好少可有分美式同英式既選擇，揀左個美式既黎試！美式all day breakfast $88實物比圖所見既更大！！可以當一個正餐既份量，有平時常見既煙肉、德國腸等煎物類，兩樣都較淡味，沙律菜配左少少醋調味唔太濃，幾新鮮。茄汁豆以鐵兜盛住，份量唔少，酸酸地開胃唔錯，其中一樣吸引我既係佢兩大塊pancake！好少可all day breakfast有，比預期中乾身左d，另上既蜜糖就可以補返數另外加左$10 既芝士焗煙肉薯皮，熱辣辣焗出黎，斜身放左一陣，d芝士即刻傾瀉左出黎估唔到加錢都可以有咁多芝士，唔係脆但味道都惹味。Crepe甜既就食得多，呢到都有好多選擇，但咸味既crepe唔係成日試到，只係好耐以前係中環食過一次，
午餐餐牌有三張，想食意粉既有唔少選擇，大部份都較清淡，岩好多入黎食既女仔不過我同朋友都想試d特別啲，見佢另一個餐牌有all day breakfast，好少可有分美式同英式既選擇，揀左個美式既黎試！
美式all day breakfast $88實物比圖所見既更大！！可以當一個正餐既份量，有平時常見既煙肉、德國腸等煎物類，兩樣都較淡味，沙律菜配左少少醋調味唔太濃，幾新鮮。茄汁豆以鐵兜盛住，份量唔少，酸酸地開胃唔錯，其中一樣吸引我既係佢兩大塊pancake！好少可all day breakfast有，比預期中乾身左d，另上既蜜糖就可以補返數
另外加左$10 既芝士焗煙肉薯皮，熱辣辣焗出黎，斜身放左一陣，d芝士即刻傾瀉左出黎估唔到加錢都可以有咁多芝士，唔係脆但味道都惹味。
Crepe甜既就食得多，呢到都有好多選擇，但咸味既crepe唔係成日試到，只係好耐以前係中環食過一次，但記得果陣食無咩配料但都幾貴下，今次見六十幾蚊就叫黎試。同樣地size好大！正方形既crepe四角分別放左巴馬臣火腿同沙律菜，擺盤清新吸引！皮煙韌幾易入口，有別於一般既甜食crepe，以普通既雞蛋、麵粉、糖既做法，呢個充滿麵粉麥香，又唔會得個甜字，確係幾驚喜！下次有機會都想試下咸味crepe!
士多啤梨吐司 $68一場黎到點都要試佢既甜品！但全部甜品睇落都好靚，又想揀窩夫又想揀蛋糕，最後見到dessert set有呢個吐司磚，揀左黎試！吐司磚或者吐司盒而家係好多地方都有，但大部分都係台式，所以幾好奇會有咩分別
比大家睇下另一面有朱古力花紋，因為另一面實在太多士多啤梨，其實好抵食，但個人實在覺得太密集密集恐懼症，哈哈！同平時連埋麵包皮上既做法唔同，佢又九大條麵包磚砌成，每條都烘得非常之脆口！！應該係因為每條吐司條都塗上左足夠既牛油再加以烤焗，所以咁脆口！點埋士多啤梨雪糕就岩哂啦士多啤梨雪糕都唔係行貨，有唔少士多啤梨果肉
張貼
