甜椰椰 (已結業)

難得老闆特然話好想食甜品，作為首席秘書嘅我當然要立即安排。 即刻9秒9㩒鐘俾河畔落車。行到入河畔花園城呢個圈，發現原來多咗幾間甜品店。去度甜椰椰門口，見仲有幾枱係入面，即係冇咁快收舖啦(話哂成12點半) ，可以安心慢慢食，所以就入去坐低order 嘢食。 見佢餐牌都好多選擇，我好自然就叫咗我最愛楊枝金露綿綿冰， 而老闆就叫雪山意式芝士餅同芒果西米露。我嘅綿綿冰好足料，亦好大份，食完之後大滿足。至於老闆叫果2個，較出色同特別係雪山意式芝士餅。 呢個甜品賣相特別，仲可以跟雪糕球，又係大大份，見到呢座山不知幾開心。 呢個甜點中間係cream cheese, 外面用米通包圍，再洒上chocolate powder, 食落唔漏，可以推介.叫咗3個甜品都係100左右，唔貴，好合理嘅價錢，下次老闆再想食可以唔駛傷腦根lu