樂糖 (已結業)

做野做到好攰，好想食餐好既，又唔想咁破費，所以揀左一間價錢合理，又可以食埋甜品既餐廳。我同媽咪叫左個二人餐，有一個沙律做前菜、一個意粉、一個pizza同兩杯飲品。沙律只有生菜，而且無晒意大利醋、只有芝麻醬可選。意粉點了南瓜🎃雞意粉，有好多南瓜汁，雞亦都幾滑，而且意粉好彈牙。不過食食下有少少「漏」。四重芝士pizza芝士份量唔算多，個皮係薄薄地，但又未至於係脆皮。個人認為麻麻地，但我媽媽好鍾意！重頭戲來了，就係甜品，跟餐叫霧之花卷只需加30元，都幾抵架！香芋雪糕配薰衣草蛋卷，真係好滿足呀！雖然抵食又美味，但地點係有少少唔方便，如果唔係之前見過一篇報導訪問大廚，我都唔知有呢間小店。