La Postre (永樂街) (已結業)

逢星期二都在中環做運動，每次見到消耗400卡路里都非常高興。但次次最後都敗喺運動後嘅晚餐。今晚諗住食少少嘢，淨係食甜品。嗱嗱嗱，不瘦之謎就係咁誕生。。。呢個「麻糬拿破倫千層酥」真係超級邪惡！初頭以為普通芒果甜品唧。。。但一咬落口，第一層酥皮脆卜卜，第二層麻糬煙煙韌韌，之後芒果Juicy，仲有好挺身嘅Creme，真係好好味！本來係同個朋友Share食，但最後大部分都係俾我食晒 其實朋友食果個「雜果麻糬窩夫」仲誇張，上面咁多生果望落好健康，有粒粒士多啤梨、無花果、芒果、奇異果、桑莓等等。之後下層個窩夫好魔鬼，咬落脆邊，裡面麻糬軟綿綿，甜甜地，仲有球雪糕喺上面慢慢溶，甜品嚟講好有層次，我地2個都Like！