影片
更多
2005-12-05
5 瀏覽
兩個人去到青衣城, 見佢新開張, 又月頭手頭鬆, 唔介意食貴少少, 而且佢話係比利時菜, 即管入去試下. 好開心坐到個窗口海景位, 即使對面係葵涌墳場, 但夜晚唔會睇到, 夜景依然咁靚, 場內氣氛一流, 柔和燭光燈光, 靜靜地夠晒情調. 當晚食左個羊骨扒餐, 水準之作. 一直都好好, 印象好好, 最最可惜就係餐後甜品一野破壞晒, 芝士小蛋糕內藏一口釘書釘, 哇, 立即停食, 當然叫人埋唻睇睇, 伙計姐姐即時sorry, 我地表示唔想佢換過同一款甜品, 咁佢都好識做, 廚師為表歉意, 無償換過另一款貴好多既tiramisu蛋糕作代替, 但唔知係咪有心理陰影, 第一啖食tiramisu, 都好小心, 點知入口, 咁岩吸氣時唔小心吸左上面d 朱古力粉, 哇, 咳到我丫屎屎下, 但點都好, 釘書釘事件我地都原諒佢, 下不為例.
張貼