C DESSERT

營業中

休息中

人氣糖水舖，連劉德華都幫手題筆，我地都慕明而來。6點幾到已經有人龍，不過翻枱都好快，排一陣就可以入座。餐牌琳瑯滿目，我地參考店內龍虎榜📊一目了然，叫三甲甜品冇得輸😆🍧龍眼椰果冰 $46龍眼冰食過清甜美，冰沙質感細膩，龍眼味道清甜，不愧係第一位凍甜品🥇。🍨榴槤水晶珠 $48第二位凍甜品，啱晒榴槤控，榴槤沙冰似雪糕咁滑，仲有香濃榴槤肉，水晶珠珠增加口感。🥛杏仁茶燉蛋白 $40杏仁茶磨得香滑，燉蛋白滑捋捋，更勝中式酒樓蛋白杏仁茶，蛋白滑好多。熱甜品第二位。🥥椰汁燉雙皮奶 $38雙皮奶細膩，椰汁香甜又不會蓋過雙皮奶嘅奶味，口感滑順。熱甜品第三位。食甜品真係另一個胃，食完凍又食熱，每一款甜品都好有質素，難怪座無虛席要排隊。