影片
更多
2021-03-03
3107 瀏覽
鍾意食Macaron大家，可能聽過La Maison Du Chocolate、Laduree、Paul Lafayet、Jean-Paul Hevin Chocolatier、DALLOYAU甚至係今次介紹既Pierre Hermé Paris。我會知呢間Pierre Hermé Paris係因為女朋友係日本做野時食過兩間好食既Macaron就係Pierre Hermé同Laduree，但佢話Laduree係熱朱古力好飲而Pierre Hermé係Macaron好食，一直都係想像佢點好食法，原來香港係有分店，好好彩係情人節有機會食到女朋友買既呢間Macaron，佢話玫瑰係最好食，食完我完全同意，而且係我食過最好食既Macaron。Pierre Hermé Paris以前係Ritz Carlton、海港城有分店，呢家就得返IFC呢間店，Macaron係無得散買，呢個可能係唯一缺點，要一盒盒咁買再揀自己鍾意食既味，禮盒裝有4個、7個、12個、18個同40個，如果想試下岩唔岩自己口味可以試4個先，而味道有INFINIMENT既12種同SIGNATURE既6種，有時仲會有特別口味好似榛子白松
鍾意食Macaron大家，可能聽過La Maison Du Chocolate、Laduree、Paul Lafayet、Jean-Paul Hevin Chocolatier、DALLOYAU甚至係今次介紹既Pierre Hermé Paris。
我會知呢間Pierre Hermé Paris係因為女朋友係日本做野時食過兩間好食既Macaron就係Pierre Hermé同Laduree，但佢話Laduree係熱朱古力好飲而Pierre Hermé係Macaron好食，一直都係想像佢點好食法，原來香港係有分店，好好彩係情人節有機會食到女朋友買既呢間Macaron，佢話玫瑰係最好食，食完我完全同意，而且係我食過最好食既Macaron。
Macaron
$180
177 瀏覽
4 讚好
0 留言
Pierre Hermé Paris以前係Ritz Carlton、海港城有分店，呢家就得返IFC呢間店，Macaron係無得散買，呢個可能係唯一缺點，要一盒盒咁買再揀自己鍾意食既味，禮盒裝有4個、7個、12個、18個同40個，如果想試下岩唔岩自己口味可以試4個先，而味道有INFINIMENT既12種同SIGNATURE既6種，有時仲會有特別口味好似榛子白松露、鵝肝榛子味等。
-
1️⃣ 玫瑰荔枝紅苺 💰40（👅: 9/10）
Macaron
$180
212 瀏覽
1 讚好
0 留言
外表係粉紅色加D深色既粉紅色，手感好似枕頭咁，輕按落去唔會爛會慢慢反彈，一咬落去發覺不得了，外表係薄薄脆脆咬落係非常酥脆，一咬就好似溶係個口入面，濃濃既香氣隨即湧現，但同時會有煙韌感，真係外脆內軟，同時內餡濕潤度足夠唔乾身，口感札實豐富，撕開薄脆外層會睇到鬆軟綿密既內層，好似打左D空氣入去咁，有D似食緊棉花糖咁，呢個口感既比例可以話係拿捏得好好。
可以係成份表睇到Macaron主要係用蛋白，杏仁粉，白砂糖同糖霜整出黎，但呢間既Macaron食落唔會覺得係食緊一啖糖，甜度我覺得係適中。
玫瑰荔枝紅苺中間既配搭非常好，食落會好似乳酪既creamy口感，會食到小小酸酸既紅莓果肉，同香甜既荔枝、清香既玫瑰相相映成趣，味道好fresh又好食，
不過咁多個口味，玫瑰荔枝紅苺係比較甜D，Macaron中間會夾住荔枝紅苺既醬，食落係幾甜下，不過我覺得可以接受。因為荔枝紅苺既醬味太出，玫瑰味會無咁出但都會食到小小。PHP係味道發揮都係非常好，但味道又唔會太過人工。
-
2️⃣ 玫瑰花瓣 💰40（👅: 9.5/10）
玫瑰花瓣係我最鍾意既味道，外表係粉紅色既Macaron，靠近會聞到玫瑰既香氣，內餡既夾心餡料係用花瓣做成，食落花香味重而且清甜，甜度完美而食得出餡料札實。
佢同玫瑰荔枝紅苺既分別就係玫瑰荔枝紅苺既荔枝紅苺味好出，食落好甜會搶左玫瑰既味，但呢個玫瑰花瓣就只會食到玫瑰既味道同香味，如果只想食到玫瑰既味道食呢個就岩，市面好多玫瑰味既野食都係好假既香精味，呢個會好似食緊handcream咁。
-
3️⃣⃣ 開心果 💰40（👅: 8.5/10）
外表係開心果既綠色，食落開心果味非常濃郁但完全唔甜，會食到粒粒既開心果碎，平時好小食到開心果咁重既甜品不過呢個幾出色。
-
4️⃣⃣ 巴西黑朱古力 💰40（👅: 8.5/10）
外表隨左係朱古力既顏色之外，仲多左D朱古力既斑點，可以聞得出既朱古力香味。食落係有驚喜，因為無諗過呢個朱古力係完全唔甜，唔甜係因為佢係朱古力70%，但朱古力味係非常之濃郁，係好純正既朱古力味，食哂完全唔覺得好HEAVY。內餡依舊夠濕潤，好似食緊慕絲咁，凝固左但好似無硬度咁，口感豐富。
-
5️⃣⃣ 雲呢拿焦糖 💰40（👅: 8/10）
外表係雲呢拿既米白色加上有D金粉做點綴，聞落有小小自然既雲呢拿香。
內餡既焦糖味夠厚，濃得黎唔會太甜，口感夠軟棉，外層夠脆但內心黏軟，形成對比。不過會覺得味道係咁多種之中無咁有驚喜，有小小係EXPECTATION當中，但口感每一啖都係EXPECT唔到。
-
🌟網上有比較過Pierre Hermé Paris、Laduree、Jean-Paul Hevin Chocolatier同DALLOYAU既Macaron，結論係PHP係比起其他重量同厚度係最高，而且食落唔算甜，酥脆正常不過煙韌度足夠，係4者之最。
我無去過巴黎食本店，不過出品質數應該係非常穩定，有係日本食過既話味道係一樣，甚至係同巴黎店無分別。雖然4個盒裝將近40蚊一個Macaron，應該係巴黎店既一倍價錢，但我會話非常值得，我唔係成日食Macaron不過第一次食呢間真係一秒愛上，尤其係玫瑰味道，呢家每次經過IFC都會想買黎食。
-
👅味道: 9/10
🍴環境: 7.5/10
💰消費: $160/4個 (服務費: NA)
張貼
