德發小廚 (已結業)

做完義工，阿媽提議黎德發試吓。去到剛十二點，見佢個餐牌無甜品，於是就問吓下晝有無甜品。阿姐話有，不過未番。佢話就番，叫我地叫個午餐食住先。呢間野都幾怪，一坐低，我地連餐牌都未睇，阿姐就即刻放碗湯上枱。最後，我地叫咗個豉油牛肉河、心太軟同焦糖燉蛋。先講個例湯，夠熱，唔肥，無味精，不過味道唔算濃。豉油牛肉河幾大碟。面頭有洋蔥、青、紅椒同豆豉。勁多獻汁。個汁仲要勁多油河粉粗身，唔會黏在一起。味道唔錯，且有鑊氣。只怪真的太油膩。心太軟講真，有點失望！好細舊，真係口大嘅人一啖就食晒。送到後不久就開始下塌，凹咗入去。見此情形，立即用匙羹"銳"開佢。有流出朱古力汁，但唔算多。多脆內軟，朱古力汁熱騰騰。唔會太甜，味道唔錯。但未見特別。不過最敗筆就係隻碟有水。證明做事馬虎。令碟上的朱古力醬化開，好核突！焦糖燉蛋份量多點，賣相幾靚。本以為是熱的，但問問個chef，佢話做唔到熱，所以只好做凍。面頭的焦糖很少，不過做得唔錯，很脆口。燉蛋滑口，但十級漏，食兩、三啖已覺飽。整體味道只屬一般，未見特別出色。兼且環境唔算好，好茶記囉。