影片
更多
2021-12-01
3936 瀏覽
屋企人有會員優惠，價錢ok於是book左食dinner buffet，時間由18:30到21:45。1825去到，等左兩三分鐘，職員安排左空中花園旁邊位置，側面就係駐場歌手，有興趣可以點歌，氣氛好好。ps職員收碟，清潔桌面，食物夾都快，整體服務可以話幾好。飲品有汽水，果汁，咖啡，茶，可以自取調配。冷盤冇蠔，但有龍蝦同麵包蟹，職員refill已經好快，但頭半個鐘都係要排長龍，所以可以遲少少先再食。熱葷選擇唔太多，有炸粉慷慨既炸蠔，冇羶味既羊肉煲，瘦身一口鴨肝，留戀蒸汽浴既石班等等。羊架其實唔差，但比較生，差唔多係blue，外表紅嫩但有渣，熟多少少會比較易咀嚼。燒味冇乜特別，油飯香茅味好出雞就浸過火，叉燒夠玫瑰露香。火炙壽司既超長蟹棒好有趣，飯細細舊可以一試。火炙和牛得個名，脂肪比例同分佈似特瘦牛肉薄片，冇牛肉香味。粉麵檔有唔少海鮮可以自己揀，冬蔭功湯底與同building間越南菜幾乎一樣，可以試試。甜品no.1雜果拿破侖，no.2原味蝴蝶酥，no.3 Tiramisu，以上三款係平常最冇興趣既甜點，但帝苑真係有一定水準，甜品外貌已經吸引到客人，所以非常建議一試。其他甜品都好唔錯，特別係朱
1825去到，等左兩三分鐘，職員安排左空中花園旁邊位置，側面就係駐場歌手，有興趣可以點歌，氣氛好好。ps職員收碟，清潔桌面，食物夾都快，整體服務可以話幾好。
飲品有汽水，果汁，咖啡，茶，可以自取調配。
冷盤冇蠔，但有龍蝦同麵包蟹，職員refill已經好快，但頭半個鐘都係要排長龍，所以可以遲少少先再食。
熱葷選擇唔太多，有炸粉慷慨既炸蠔，冇羶味既羊肉煲，瘦身一口鴨肝，留戀蒸汽浴既石班等等。羊架其實唔差，但比較生，差唔多係blue，外表紅嫩但有渣，熟多少少會比較易咀嚼。燒味冇乜特別，油飯香茅味好出雞就浸過火，叉燒夠玫瑰露香。
火炙壽司既超長蟹棒好有趣，飯細細舊可以一試。火炙和牛得個名，脂肪比例同分佈似特瘦牛肉薄片，冇牛肉香味。
粉麵檔有唔少海鮮可以自己揀，冬蔭功湯底與同building間越南菜幾乎一樣，可以試試。
甜品no.1雜果拿破侖，no.2原味蝴蝶酥，no.3 Tiramisu，以上三款係平常最冇興趣既甜點，但帝苑真係有一定水準，甜品外貌已經吸引到客人，所以非常建議一試。其他甜品都好唔錯，特別係朱古力/咖啡類，甜苦適中，細味留香，反而H雪糕、涼粉、pancake相比下普普通通。
overall其實同價位有唔少熱葷更多、更好食既選擇，但中意甜品既呢間一定係首選。
張貼