蘭苑饎館

營業中

休息中

今晚放工後到花墟逛逛，不知不覺行到西洋菜街北，咁就在蘭苑饎館開餐啦。蘭苑饎館是一間裝修得很古雅的食店，面積不大，大約三＋六個座位，佢嘅龜苓膏及龜苓膠係非常出名，但晚上會有小菜及煲仔菜供應，味道相當唔錯，仲不含味精；佢哋小菜套餐跟嘅飯、幼麵、米粉或河粉係任食嘅，所以你嘅胃口有幾大都唔怕唔飽。 提起木牌面的餐牌，小菜內的主菜及配料都可隨意配搭，實在難於決定；最後我決定點了一個特別的煲仔菜 - 玫瑰聖瓜菜肉雲吞跟幼麵。先嚟例湯 - 老黄瓜瘦肉湯，老火湯很清很甜，似媽媽煲的一樣，不過細碗左啲。 玫瑰聖瓜菜肉雲吞 - 聖瓜得幾粒，並不多，但煲底塾有芽菜及有很多粒玫瑰花蕾，連雲吞都感染到帶有淡淡玫瑰花的香味；菜肉雲吞的免治豬肉攪得一團槳似的，並沒有咬口，其實我本來並不喜歡，但居然在豬肉內混入了沖菜及馬蹄粒，將豬肉提升了層次，加添了香味及爽脆感，係一道非常特別的菜式。我本來就係花痴，尤其將花入饍。 湯麵都很出色，麵爽及無梘水味，麵湯又很好味。正！ 我並不是大胃王，雖然碗麵並不大碗，但我最後都吃不下，要棄權。 任食麵飯，我無福消受。