糖太子甜品 (已結業)

一向食甜品都係飯後活動，但係今次經過呢一間餐廳，見到佢有晚餐、午餐、下午茶提供，所以決定一次一石二鳥晚餐甜品一次過係呢一度解決。午餐同下午茶提供嘅時間分別都去到六點鐘。由於我哋今日好早食飯，所以我哋選擇咗較多粉麵類嘅午餐食，選擇算多又近十款。我叫左個意式茄醬雞肉繪意粉，上桌發現份量好足啵，男仔食應該都還ok。蕃茄味都幾濃烈，每條意粉都沾左醬，仲加左幾塊香葉，香氣芬芳撲鼻。蛋黃醬煙肉蘑菇長通粉，汁夠曬，個sauce好芝士超正，d長通粉吸曬d汁，正。兩個通粉都al dente，硬硬地，我自己好鐘意。甜品選擇都好多，有中有西，有濕有乾，有傳統有新派。法式焦糖燉蛋拌雲呢嗱雪糕， 賣相精緻，但焦糖略嫌太厚有d硬。燉蛋保持到滑嫩，一啖暖一啖凍嘅雪糕，仲要係名店出品movenpick夢幻世界，呢個甜品用芒果汁作底，有閘果有爆爆珠有椰果，大集會，啱晒有選擇困難症既我。咁既時世咁既價錢咁既質數，值得成為飯堂下次試埋d tea sets先！