影片
更多
2024-03-23
131 瀏覽
食肉獸注意⚠️抵食嘅靚牛放題比兵仔搵到喇！呢間和牛燒肉一郎環境乾淨舒服，大力推介S2 80品任食套餐，仲有清酒梅酒啤酒任飲！而家仲有個限定優惠：燒肉放題套餐免加一優惠❤️（下午4:00後入座至晚上7:00前離座；晚上8:30後入座，將軍澳分店限定）💂🏻♀️《S2 80品任食套餐》 $288 🥩肉類：兵仔主力都係攻牛肉，啲牛肉色澤好靚，牛里脊肉、牛肋肉超好食！可以揀鹽醬或者燒烤醬，兩款都令到牛肉再提升咗另一個層次⭐️仲有牛舌、橫膈膜等等，超多款可以揀！🐟海鮮：蠔、蝦、帆立貝、魷魚青口全部都燒得好好食🤤，尤其是帆立貝有黑松露牛油同埋蒜蓉味都非常出色～🥘其他主食小食：出面有得自製和牛肉燥飯，消耗嘅牛肉送飯一流！另外都有好多款丼飯、拉麵、海帶湯仲有韓式飯卷🍜，炸物小食都表現得唔錯，可以一次過試都好多唔同款嘅嘢食！🍻甜品飲品：飲品種類唔算好多，不過清酒梅酒任飲呢樣真係好吸引！兵仔最愛梅酒嫁喇！😌甜品都係貴精不貴多，軟雪糕可以自製，雪條款式都幾特別～Tiramisu同埋木糠布甸我都食咗兩個😂😂評分: 90/100總結：環境同食物呢個價錢嚟講性價比好高！一心想食牛嘅我真係超滿足😌，燒烤醬牛里脊，加埋甜菜泡
💂🏻♀️《S2 80品任食套餐》 $288
🥩肉類：兵仔主力都係攻牛肉，啲牛肉色澤好靚，牛里脊肉、牛肋肉超好食！可以揀鹽醬或者燒烤醬，兩款都令到牛肉再提升咗另一個層次⭐️仲有牛舌、橫膈膜等等，超多款可以揀！
🐟海鮮：蠔、蝦、帆立貝、魷魚青口全部都燒得好好食🤤，尤其是帆立貝有黑松露牛油同埋蒜蓉味都非常出色～
🥘其他主食小食：出面有得自製和牛肉燥飯，消耗嘅牛肉送飯一流！另外都有好多款丼飯、拉麵、海帶湯仲有韓式飯卷🍜，炸物小食都表現得唔錯，可以一次過試都好多唔同款嘅嘢食！
🍻甜品飲品：飲品種類唔算好多，不過清酒梅酒任飲呢樣真係好吸引！兵仔最愛梅酒嫁喇！😌甜品都係貴精不貴多，軟雪糕可以自製，雪條款式都幾特別～Tiramisu同埋木糠布甸我都食咗兩個😂😂
評分: 90/100
總結：
環境同食物呢個價錢嚟講性價比好高！一心想食牛嘅我真係超滿足😌，燒烤醬牛里脊，加埋甜菜泡菜一齊食非常惹味，下次要再同一班食肉獸朋友一齊嚟再食過😂😂🫶🏻
頒發軍階：上將🎖🎖🎖🎖
張貼
