泰蔣汗烤魚

營業中

休息中

哩幾日大執屋,執執下發現已夜深冇飯食,本身已餓仰馬翻,但屋企仍如戰場,想煮個麵都唔知個煲係邊,唯有乖乖爬落街搵野食...結果又係泰菜...應該話冇咩可以揀就食返哩間泰菜,男人好快揀左菠蘿雞粒炒飯,本身佢想要多個炒椰菜苗,但得返芥蘭,所以冇吼.我想食青木瓜沙律,但佢又唔食,最後要左泰式酸辣鳳爪,兩個餓人終於有野食啦,個菠蘿炒飯有菠蘿,有雞,有肉鬆,有腰果,仲有提子乾同三色豆XDDD?食落個飯係甜既XDDD,唔係D 菠蘿甜,係整體成個飯甜囉...我就麻麻地...都食返鳳爪先...夾開曬D 洋蔥,都唔錯,有唐芥青瓜蕃茄做配料,初時食落唔辣.食食下慢慢就辣...食飽去訓囉.