漁樂鍋 (已結業)

今日放工去黃埔買野，天氣開始涼，又要食雞煲暖下身。上網見到漁樂鍋好評都多，所以去試一試。入到去差不多全部位置都係卡位, 坐得好舒服, 枱上經已準備好醬油, 還有一款師傳秘制既薑油可供選擇!湯底好多選擇，其實個個都想試, 我本身爰辣雞, 但又想滋潤下, 最後要左椰子雞鍋，一來到第一樣係試下個湯底，望落去好清, 以為會淡味, 但椰子味十足，好甜好香，無味精。之後等左一會，試d雞，唔錯，新鮮雞，無雪味，以後再來一定會再叫椰子湯底。手切安格欺肥牛，雖然只叫左細，但份量比好多地方都多。講返d肉，絕對對得住安格斯個名，唔係比普通肥牛算數，牛肉味夠，食唔出雪味，都應該用左d時間去準備。炸魚皮好脆口, 平時我愛放入湯吃, 今次食下食下, 大半碟都比我空口食哂!響玲一碟有好多條, 份量足!黃埔區來講，漁樂鍋絕對係值得推介。