甜甜達人 (已結業)

9月份已經有嘅pop up store，終於加入openrice糯米糍有好多味道 D24、芒果、奶皇、綠茶、藍莓、黑芝麻、紅豆、豆腐、咖啡、斑蘭等等糯米糍$36/6件我揀嘅大部分都味道較淡，而且糯米糍嘅皮偏厚身…整體黎講 平係平，但係連味道都平平，餡料偏少。芒果奶皇：比想像中一般般，芒果同奶皇味弱香蕉朱古力：兩種味道各佔一半，裡面有塊細到食左唔多覺嘅香蕉仔士多啤梨：我覺得味道有d怪，士多啤梨味有少少假抹茶：咁多個唯獨抹茶叫好食少少藍莓：我自己覺得偏甜鮮芒果豆腐：比較芒果奶皇我寧願揀呢款，芒果同豆腐幾夾，但呢度嘅芒果唔係長州糯米糍，唔會爆哂芒果勁甜，唔好期待錯誤因為新鮮製造，店員話首日keep室溫，其後就要雪藏，記得盡快食哂。除左糯米糍，仲有不少款式的布甸，店員話有優惠價，由於未食過 我安全起見叫左穩陣野。芒果布甸$12（原價$18）佢唔係實的的嗰隻布甸，芒果味都算香，幾好食，而且仲有果肉。不過怕甜人士注意，佢係偏甜的。