永樂園餐廳

營業中

休息中

呢間老字號嘅永樂園屹立咗喺中環昭隆街幾十年，由以前做暑期工開始已經會過嚟買早餐食，之後每幾年有經開都會忍唔住嚟幫襯下，呢度嘅名物熱狗個醬汁非常特別，應該係餐廳自家調配嘅，口感非常 Creamy，個味道有少少以溝咗沙律醬嘅千島汁，而且仲有少少甜芥嘅味道，我未喺其他地方食過呢隻味；麵包鬆軟而溫暖，條腸仔仲可以揀雙腸，睇住啲腸仔喺部腸仔機度轆吓轆吓令人相當治癒，腸仔口感較為鬆散，係介乎廚師腸同小紅腸嘅程度，雖然感覺好似小紅腸咁有啲下欄但係感情搭夠，再加上個無敵醬汁，抵我一直久唔久都有掛住佢。