影片
更多
2015-03-28
6371 瀏覽
有次睇飲食男女見到炭燒笑宴（以下將簡稱"笑宴") 好似好正咁，沖繩菜未試過，仲有任食和牛，睇相已經好吸引，就是但同S先生講下次去食，佢好是但答番我話：好呀😂如是者就到我生日果日佢就懶神秘帶我去銅鑼灣登龍街，去到樓下已經估到😂上到門口就有位男職員招呼我地入坐。入場時一台客都冇（當時7點）心諗可能時間尚早，晏少少就有人，當然我果時淨係諗食野多d😂放題有2種，1種係燒烤，一種係打邊爐，我地緊係燒烤啦😋放題每位$488 ，餐牌上面寫明前菜每位$20，套餐包三色刺身（每人一客），A4/5和牛沙律（佢只放低一碗），任食方面就有A4/5和牛同豬松葉蟹仲有任食野菜（菇、洋蔥、大小青椒、紅椒同南瓜，可接自己喜好再叫），飲品方面要比$80/位先有任飲（平均一樣飲品都$45，如果預計會飲2樣以上都抵既），亦只有免費熱茶提供唔會有冰水（冰水係支裝要另計😒）坐低一陣，男職員就遞上熱毛巾抹手，然後放低前菜，過多一陣就放低2碟松葉蟹，然後逐一簡介台上既醬汁係配咩食物，跟住我地都唔客氣了👍蟹好多肉，好juicy,新鮮好食👍我係大閘蟹愛好者，早已練成一流拆蟹功夫，唔使一陣拆晒成碟，對面果位豬先生就辛苦少少😂特別一提係
如是者就到我生日果日佢就懶神秘帶我去銅鑼灣登龍街，去到樓下已經估到😂上到門口就有位男職員招呼我地入坐。
入場時一台客都冇（當時7點）心諗可能時間尚早，晏少少就有人，當然我果時淨係諗食野多d😂
放題有2種，1種係燒烤，一種係打邊爐，我地緊係燒烤啦😋放題每位$488 ，餐牌上面寫明前菜每位$20，套餐包三色刺身（每人一客），A4/5和牛沙律（佢只放低一碗），任食方面就有A4/5和牛同豬松葉蟹仲有任食野菜（菇、洋蔥、大小青椒、紅椒同南瓜，可接自己喜好再叫），飲品方面要比$80/位先有任飲（平均一樣飲品都$45，如果預計會飲2樣以上都抵既），亦只有免費熱茶提供唔會有冰水（冰水係支裝要另計😒）
坐低一陣，男職員就遞上熱毛巾抹手，然後放低前菜，過多一陣就放低2碟松葉蟹，然後逐一簡介台上既醬汁係配咩食物，跟住我地都唔客氣了👍
蟹好多肉，好juicy,新鮮好食👍我係大閘蟹愛好者，早已練成一流拆蟹功夫，唔使一陣拆晒成碟，對面果位豬先生就辛苦少少😂特別一提係個蟹醋好好味，好清甜，唔記得問係咩牌子😅
主角出場了
男職員放低左個好細既爐，打開之後就幫我地基本放題包既野食都拎黎（我地2個都唔係好食豬，早知叫佢唔使拎😂最後好辛苦先食得晒碟豬）
燒好第一舊牛，放入口果下即時好開心，因為真係好好好好食，本身和牛有醬汁，唔會太勁食唔到牛味，牛肉質入口即溶，果時S豬先生仲食緊d蟹囉😂我就緊係理佢自己食先，真係好食呀👍
豬肉方面呢，其實都好食，不過我倆比較好牛，所以就少食豬d.
野菜方面洋蔥好辣，可以唔再叫，南瓜冇特別，菇菇都ok,最驚喜係細細條既青椒仔幾好食wo,燒完甜甜地同辣辣地，食左好多條呀我，青紅椒都好甜，最後不停叫只有呢3樣👍
當我地食左N碟和牛之後我發現愈來愈偏肥，食到有d滯，問男職員係咪有分唔同部分佢唔係好答到要問一問師傅，佢聲稱師傅會慢慢切唔同部分出黎，想食肥d/瘦d都可以同佢講，不過S先生想試多d唔同部分所以冇特別要求，點知就愈黎愈肥，肥滯到我頂唔順停左手食唔落😂
以前好少用咁細個爐燒，其實笑宴既爐都ok,唔會燒一陣就好燶，食成既都唔使換網，但有個問題係燒豬肉果時d豬油滴落去會好大火😱男職員每次加水果時都響個爐上面申手過去拎杯，我好驚無啦啦搶火燒到佢😒
飲品方面我地叫左「沖繩雪鹽黑糖特飲$45」同「巨峰提子梳打」，黑糖特飲有d似淡味寶礦力，又咸又甜咁😂巨峰提子梳打s先生話好飲，但我冇試過。
放題時間係120分鐘，我地食足120分鐘😱而到最後竟然冇人😱如是者我地就包左場😂👏呢個價錢唔平，可以去酒店食好既自助餐，不過包場就算好抵😂👍
S先生話間野應該冇下年，難得食過都好👍
張貼
