影片
更多
2013-03-23
55 瀏覽
多謝老友食家嘅轉介，收到今次嘅試食邀請，在此先多謝公關及酒樓方面嘅安排，我哋試食二人組又可以再次出動。季季紅係喜尚集團旗下嘅中式酒樓之一，而屯門藍地分店更曾經獲得米芝蓮指南推介，公關表示由於屯門地點比較偏遠，收工時間屯門公路更有塞車嘅風險，所以最後安排在灣仔分店試食方便大家，十分細心體貼。灣仔季季紅風味酒家係灣仔街市附近，我哋由地鐵站行去，不用十分鐘就已經到達。酒樓有兩個門口，一邊是酒樓入口，一邊是外賣燒味。 季季紅名符其實，果然好紅，以紅色為主，更有不少豬嘅擺設，配合佢哋嘅招牌菜 - 蝦禾米乳香豬。 酒樓有二層，地方寬闊，紅白色裝潢，對比強烈，配上吊燈，增添中國風味。我們被安排在廳房內，自成一角，更加適合我哋今晚嘅生日季季豬宴。食中菜慶祝生日，多數都係食壽包，食得多可能有啲悶，而變化都係在於壽包嘅大少或者數量，再唔係就自己帶蛋糕，估唔到季季紅打破中式壽宴嘅框框，將招牌菜蝦禾米乳香豬，變身成生日季季豬，意念創新，啱晒要慶祝生日，又想食豬嘅朋友。生日季季豬宴，附上生日禮盒，內有生日帽，眼罩，吹氣棒等方便大家開生日派對。好喇！人齊了，大家準備好自己嘅生日 'Look' 後，我們開始唱生日歌
季季紅係喜尚集團旗下嘅中式酒樓之一，而屯門藍地分店更曾經獲得米芝蓮指南推介，公關表示由於屯門地點比較偏遠，收工時間屯門公路更有塞車嘅風險，所以最後安排在灣仔分店試食方便大家，十分細心體貼。
灣仔季季紅風味酒家係灣仔街市附近，我哋由地鐵站行去，不用十分鐘就已經到達。酒樓有兩個門口，一邊是酒樓入口，一邊是外賣燒味。
季季紅名符其實，果然好紅，以紅色為主，更有不少豬嘅擺設，配合佢哋嘅招牌菜 - 蝦禾米乳香豬。
酒樓有二層，地方寬闊，紅白色裝潢，對比強烈，配上吊燈，增添中國風味。我們被安排在廳房內，自成一角，更加適合我哋今晚嘅生日季季豬宴。
食中菜慶祝生日，多數都係食壽包，食得多可能有啲悶，而變化都係在於壽包嘅大少或者數量，再唔係就自己帶蛋糕，估唔到季季紅打破中式壽宴嘅框框，將招牌菜蝦禾米乳香豬，變身成生日季季豬，意念創新，啱晒要慶祝生日，又想食豬嘅朋友。生日季季豬宴，附上生日禮盒，內有生日帽，眼罩，吹氣棒等方便大家開生日派對。好喇！人齊了，大家準備好自己嘅生日 'Look' 後，我們開始唱生日歌...Happy Birthday to You.......再吹蠟燭，今晚嘅生日季季豬宴正式開始。
蝦禾米乳香豬
蝦禾米乳香豬製作都幾費時，首先將全隻乳豬燒至半熟，用上秘製嘅醬汁塗勻全身，再用蝦米，芋粒，混合米飯炒香。將炒飯塞滿乳豬，再用針線縫好，放入爐燒 20 分鐘，就變成蝦禾米乳香豬。由於採用不夠二十日嘅乳豬仔，脂肪比例不多，份量適中，唔會因為食完隻豬就食唔落其他菜式。而生日季季豬都要同我哋一樣，戴上生日帽同眼罩，唯一唔同嘅就係佢身上插上生日蠟燭，哈哈。完成吹蠟燭儀式後，酒樓服務員再即席把底部嘅線剪開，再將乳豬分成兩邊，然後再切成小件。乳豬皮薄又有光澤，炒飯夠乾身和入味，是一個很特別嘅菜式。冰鎮原隻鮑魚伴萵苣
嘩！我都係第一次見同第一次食冰鎮原隻鮑魚，原來係白雪雪，真係好得意，由於係秘製嘅關係，所以都唔知點解會咁白雪雪。鮑魚肉食落都幾特別，與平時濃濃醬汁和軟腍肉質不同，冰鎮鮑魚很較爽實，味道較清新，而伴碟嘅萵苣去咗葉嘅部份，留返筍嘅位置，顏色翠綠，食起來爽脆。一綠一白，顏色配搭很清新。響螺豬肺頂菜膽湯
這個平時在家少飲，因為製作相對地繁複和費時。豬肺湯呈奶白色，加上菜膽和響螺，味道濃郁，酒樓服務員更奉上湯料，豬肉好腍，確是唔錯，我都食咗幾件。蟹肉扒雙寶蔬
又係一綠一白嘅配搭，蟹肉加蛋白，啖啖蟹肉，味道有啲似賽磅蟹，雙蔬有娃娃菜和小棠菜，淡淡的味道，食起來特別健康。爽蠔珍菌盆
嘩嘩嘩！有盆菜食呀！盆菜材料大十足，有爽蠔，鮑片，金菇，冬菇，本菇，支竹，豬肉等等。而大大隻脹卜卜嘅蠔豉更加係酒樓在流浮山自家曬嘅，配上酒樓嘅秘製配方，食落果然係特別爽！芝味焗元貝
芝士牛油焗元貝，唔知係用邊隻芝士，啲黃色驟眼睇以為係葡汁添。芝士味不太突兇，啱晒不太好芝士嘅我，元貝肉都算大粒，肉厚味鮮。鬆子五柳大桂皇
粒粒狀鬆子五柳大桂皇，又紅又綠，賣相都幾吸引。大桂皇經酥炸，外脆內軟，配上五柳酸甜醬汁，很開胃惹味，伴碟嘅西蘭花色澤翠綠，食起來很爽。玫瑰頭抽黃金雞
秘製嘅玫瑰頭抽黃金雞，果然係唔同，比普通嘅豉油雞多了一份鮮味。勁鍾意食油雞嘅我，都不停食，雞皮很入味，油脂不多，雞肉很嫩滑，真係好味都停唔到口，嘻嘻。鴛鴦糕點
酒樓提供了桂花糕和馬豆糕，不好凍糕嘅我，也淺嚐一口。桂花糕晶瑩剔透，看得出用上大量桂花，清香桂花味，剛好中和剛才嘅菜式，作為一個總結確是不錯。可能桂花糕味比較突出，再吃馬豆糕，味道有點淡。總括而言，生日季季豬宴確係創意十足，菜式設計獨特，用上多種秘製烹調手法，而主角季季豬除咗充滿生日嘅氣氛，亦增添咗大家嘅歡樂氣氛，係一個令人難忘嘅生日派對。
張貼
