OZONE

營業中

休息中

我地開頭想坐outdoor睇下境食下煙，但因為outdoor不接受預約預訂枱，需要到場排隊才安排入座，所以book了indoor，室內有最低消費，4位也是二千，5位三千。雖然當日天氣一般， 但我哋坐响入面所以冇所謂啦，食煙就行一行出outdoor食，眼見外國客人為多。侍應們有禮貌，而每位侍應會專門各自跟幾張枱，建議搵返service開你哋嘅侍應會跟得好啲。室內梳化算大張，但櫈和枱之間唔算闊落，女仕小心膝頭哥撞到枱邊。慶祝生日嘅，可以預先在訂枱時，留定祝賀語句，當日飲飽食醉後，才order甜品，師傅會即場寫字，然後插蠟燭侍應捧個甜品嚟。愈夜音樂會愈大聲，我地7點半到，10點走，埋單前一個鐘開始，講野和傾計都要加大聲才聽到，哈哈。五位， 慶祝生日，淺嘗紅酒兩支，威士忌少許，以及幾款佐酒小食，埋單三千尾啦。