十下火鍋

朋友生日搞慶祝最好火鍋派對。壽星仔話事，去了間有懷舊金曲播放的火鍋店，店內環境都係以五六十年代背景，幾特別。生曰飯一定要豪，火瞳花膠雞鍋夠豪氣。雞隻肥美肉嫰，好多花膠仲好大片有𡁻囗，又有魚肚，素翅和藥材，全部精華聚於湯底，好濃郁好香甜。飲過湯後隨即烚烚下.整個套餐包蔬菜籃，三寶滑，蒜味香腸，三星蔥醬爆貢丸，蟹粉餃，寬冬粉，炸魚骨和炸響鈴，今餐認真豐富。配料好新鮮，最愛三寶滑，蝦滑有蛋黃， 肉丸有馬蹄，鯪魚肉有臘腸，新的配搭。寬冬粉煙煙韌韌。炸魚骨建議煮多幾秒，如果唔係就會好硬。響鈴不油膩。今晚的安排壽星仔都非常滿意，太好了。