東京麵包餅食 (長發街)

營業中

休息中

星期六，saturday night fever，如常咁樣走去麻雀腳屋企度打麻雀，當晚手風一般，不過總係覺得啲氣氛奇奇怪怪咁樣，我做咗幾十年人挑通眼眉，就係覺得有啲唔妥，到中場休息嘅時候，雀友肥Ming失驚無神拎咗個蛋糕出嚟， 原來3條衰鬼同我慶祝生日，怪不得咁奇怪嘅氣氛。呢個生日蛋糕呢，個樣就真係唔係幾好睇，不過勝在喺special order，而且係餅店自家製嘅 檸檬忌廉蛋糕，仲大大隻字咁樣寫住 ，仲有兩隻老鼠喺度，因為我有兩個花名，就係叫 大波蓮 and 老鼠楠，呢個檸檬忌廉蛋糕味道酸酸甜甜，嗰啲cream好有奶油味，個蛋糕嘅質地比較乾身，嗰兩隻老鼠個樣就真係做得比較難睇啦，不過係朋友送俾自己嘅，食落就係特別好味。