The Socialhouse (已改名) 查看

是晚係我的生日飯，朋友㨂咗呢間係大坑的西餐廳同我慶祝，地點旺中帶靜，天后站行幾分鐘就到。朋友見我瘦咗，就不停叫野食，要食肥我。兩個人食一個沙律，一個前菜，兩個主食同一個甜品，非常非常豐富。最鐘意炭燒八爪魚，調味適中，有炭燒的香味，重點是八爪魚的口感非常軟熟。另一個主菜西班牙式燒乳豬應該是餐廳的招牌菜，睇食評好多人食，個乳豬皮超級脆，肉係肥瘦適中。最開心係朋友俾的小驚喜，有生日字樣的蘋果拿破崙，味道清新，好食又可以影個相留念。