駒記海鮮大排檔

營業中

休息中

食生日飯朋友想食呢間，份量夠，價錢仲好合理。入到店內見到多數人都會叫海鮮食，D海鮮望落都煮得好新鮮。叫左一條蒸斑，好鮮味，夠嫩滑，魚汁入味。 金銀蛋浸莧菜，湯好飲，皮蛋好大隻，蔬菜夠綠。椒鹽鮮魷，大大舊肉，味道香口，口感又脆，椒鹽味恰當，呢款最啱飲住啤酒食。菜膽雞(半隻)，雞肉滑，啖啖肉，雞油恰到好處。滷水鵝肝，滷水汁微甜，每件鵝肝入晒滷水味，仲必到厚厚大大件，滷水汁加入白飯胃口大開。呢間食品係一流!!! 物超所值。幾日後，晚上收工無時間煮飯，再到此店叫了豉油皇炒麵和福建炒飯外賣回家食，好足料夠份量，兩款也夠1家3口食。